ເຈັກ ພອລ ຢູທູບເບີດັງ ຊະນະຕໍ່ເນື່ອງການຊົກມວຍອາຊີບ

ຢູທູບເບີຊື່ດັງ ເຈັກ ພອລ ຍັງຮັກສາສະຖິຕິບໍ່ເສຍໃນເສັ້ນທາງມວຍອາຊີບ ຫລ້າສຸດເອົາຊະນະ ອັນແດສັນ ຊິລວາ ນັກຕໍ່ສູ້ສິລະປະ ປະສົມປະສານຊາວບຣາຊິລ-ອາເມລິກາ.

ເຈັກ ພອລ ຢູທູບເບີ ຊື່ດັງຊາວອາເມລິກາ ຍັງຮັກສາສະຖິຕິບໍ່ເສຍໃນເສັ້ນທາງມວຍອາຊີບ ຫລ້າສຸດເອົາຊະນະ ອັນແດສັນ ຊິລວາ ນັກຕໍ່ສູ້ສິລະປະປະສົມປະສານຊາວບຣາຊິລ-ອາເມລິກາ ໃນການຊົກແບບ 8 ຍົກ ທີ່ລັດແອຣິໂຊນາ ເມື່ອວັນທີ 29 ພະຈິກຜ່ານມາ.

ກ່ອນໜ້ານີ້ ເຈັກ ພອລ ຂຶ້ນຊົກມາແລ້ວ 5 ຄັ້ງ ຊະນະທັງຫມົດ ສ່ວນຄັ້ງນີ້ ເຈັກ ພອລ ເປັນຝ່າຍຊະນະຄະແນນ ຊິລວາ ຢ່າງເອ ກະພາບ 77-74, 78-73, 78-73 ເຊິ່ງຢູທູບເບີ ອາຍຸ 25 ປີ ກ່າວວ່າ : “ ຂ້ອຍຢາກຂອບໃຈອັນແດສັນ ລາວເປັນແຮງບັນດານໃຈ ຂອງຂ້ອຍ ຫາກບໍ່ມີລາວ ເຮົາຄົງບໍ່ໄດ້ຕໍ່ສູ້ກັນໃນມື້ນີ້ ”.