ສານປະຊາຊົນໃນຂອບເຂດທົ່ວປະເທດ ໄດ້ຮັບຄວາມເຊື່ອໝັ້ນ, ໄວ້ວາງໃຈຈາກພັກ-ລັດ ແລະ ປະຊາຊົນບັນດາເຜົ່ານັບມື້ນັບສູງຂຶ້ນ

ວັນທີ 28 ຕຸລາ 2022 ທີ່ສານປະປະຊົນສູງສຸດ ໄດ້ຈັດກອງປະຊຸມ ຄະບໍລິຫານງານພັກຄັ້ງທີ 6 ສະໄໝທີ IV ອົງຄະນະພັກສານປະຊາຊົນ ,ພາຍໃຕ້ການເປັນປະທານຂອງສະຫາຍ ນາງ ວຽງທອງ ສີພັນດອນ ຄະນະເລຂາທິການສູນກາງພັກ ເລຂາຄະນະພັກ ປະທານສານປະຊາຊົນສູງສຸດ ຊຶ່ງມີຮອງເລຂາຄະນະພັກ ຄະນະປຳຈຳພັກ ແລະ ຄະນະບໍລິຫານງານພັກ ເຂົ້າຮ່ວມ.

ກອງປະຊຸມຄັ້ງນີ້ ໄດ້ສະຫຼຸບຕີລາຄາການນຳພາ-ຊີ້ນຳ ແລະ ການຈັດຕັ້ງປະຕິບັດມະຕິກອງປະຊຸມ ຄັ້ງທີ 5 ຜ່ານມາ ແລະ ທິດທາງ 3 ເດືອນຕໍ່ໜ້າ,ຄົ້ນຄວ້າ ພິຈາລະນາຮ່າງແຜນດຳເນີນງານຂອງຄະນະບໍລິຫານງານພັກ ສານປະຊາຊົນສູງສຸດ ປະຈຳປີ 2023, ຕີລາຄາ ແລະ ປະເມີນຜົນກ່ຽວກັບວຽກງານກໍ່ສ້າງພັກ-ພະນັກງານໃນເຂື່ອນໄຂໃໝ່, ລາຍງານການປະເມີນ, ຕີລາຄາໜ່ວຍພັກປອດໃສ່ ເຂັ້ມແຂງ ແລະ ໜັກແໜ້ນປະຈຳປີ 2022 ຂອງ 11 ໜ່ວຍພັກ, ພິຈາລະນາແຜນການກໍ່ສ້າງ ຍົກລະດັບພະນັກງານ, ທິດທາງຍົກສູງປະສິດທິພາບວຽກງານຮ່ວມມືກັບຕ່າງປະເທດ, ພິຈາລະນາແຜນຊຸກຍູ້ ຕິດຕາມການແກ້ໄຂຄະດີອາຍາໃຫ້ມີຄວາມຮັດກຸມມາແຕ່ຂັ້ນຕົ້ນ, ພິຈາລະນາກ່ຽວກັບການຊຸກຍູ້ ຕິດຕາມການດຳເນີນຄະດີຄອບຄົວຕາມສາຍຕັ້ງ.

ທ່ານ ນາງ ວຽງທອງ ສີພັນດອນ ໄດ້ສະແດງຄວາມຊົມເຊີຍຕໍ່ບັນດາສະຫາຍໃນຄະນະບໍລິຫານງານພັກ, ຄະນະໜ່ວຍພັກ, ສານປະຊາຊົນສູງສຸດ ທຸກສະຫາຍທີ່ໄດ້ພ້ອມກັນນຳພາ ແລະ ຈັດຕັ້ງປະຕິບັດມິຕິກອງປະຊຸມໃຫ່ຍ ແລະ ແຜນດຳເນີນງານຂອງຄະນະບໍລິຫານງານພັກ ສານປະຊາຊົນສູງສຸດ ສະໄໝທີ IV ເຊິ່ງກອງປະຊຸມຄົບຄະນະບໍລິຫານງານພັກ ຄັ້ງທີ 5 ຜ່ານມາໄດ້ມີຜົນສຳເລັດໃນຫຼາຍດ້ານ ອັນໄດ້ປະກອບສ່ວນເຮັດໃຫ້ສານປະຊາຊົນສູງສຸດ ກໍຄືສານປະຊາຊົນໃນຂອບເຂດທົ່ວປະເທດ ໄດ້ຮັບຄວາມເຊື່ອໝັ້ນ, ໄວ້ວາງໃຈຈາກພັກ-ລັດ ແລະ ປະຊາຊົນບັນດາເຜົ່ານັບມື້ນັບສູງຂຶ້ນ ແລະ ຮຽກຮ້ອງມາຍັງບັນດາສະຫາຍ ຈົ່ງພ້ອມກັນປະກອບຄວາມຄິດ ຄວາມເຫັນ, ແລກປ່ຽນ ແລະ ຖອດຖອນບົດຮຽນຈາກຂໍ້ຄົງຄ້າງເພື່ອນຳໄປເປັນທິດທາງປັບປຸງໃນຕໍ່ໜ້າ.