ເທນຮາກ ເຖິງກັບແກວ່ງຫົວ ເມື່ອເຫັນ ອັນໂຕນີ ໂຊວລີລາໝຸນບານ 360 ອົງສາ ແລ້ວສົ່ງບານເສຍ ຈົນຕ້ອງປ່ຽນອອກ

ແມນເຊັສເຕີ ຢູໄນເຕັດ ເປີດບ້ານເອົາຊະນະ ເຊີຣິຟ 3-0 ແລະ ຮັບປະກັນການເຂົ້າຮອບຮອງຊະນະເລີດ ຢູໂຣປາ ລີກ ໄດ້ສຳເລັດ, ແຕ່ມີຈຸດໜຶ່ງໃນເຄິ່ງເວລາທຳອິດ, ທີ່ເຮັດໃຫ້ ເອຣິກ ເທນ ຮາກ ມາຮອດ ບໍ່ສົບອາລົມ

ເມື່ອໃນນາທີ 37 ຂະນະທີ່ສະເໝີກັນຢູ່ 0-0 ແລະ ແມນເຊັສເຕີ ຢູໄນເຕັດ ກຳລັງຄອງບານທາງຮີມເສັ້ນຟາກຂວາ ແຕ່ທັນໃດນັ້ນ ອັນໂຕນີ ທີ່ໄດ້ບານມາຄອງຢູ່ຕີນນັ້ນບໍ່ຮູ້ວ່າຈະຄິດແນວໃດ ດ້ວຍການສະແດງການໝຸນບານ 360 ອົງສາໂດຍບໍ່ມີຄູ່ແຂ່ງເຂົ້າມາກົດດັນໃສ່ ຈາກ​ນັ້ນ ​ເຂົາກໍ່ໄດ້ສົ່ງ​ບານຜ່ານ​ຊ່ອງວ່າງ​ທະລຸເຂົ້າ​ເຂດ​ໂທດ ​ແຕ່​ກັບເປັນ​ການ​ສົ່ງບານເສຍເພາະ​ບໍ່​ມີ​ໝູ່ຄົນໃດ​ແລ່ນໄປເອົາບານທັນ ເຮັດ​ໃຫ້​ທີມ​ເສຍ​ການ​ຄອບ​ຄອງ​ບານ​ໂດຍ​ແລກກັບການສະແດງລີລາຂອງ ອັນໂຕນີ

ຊົມຄລິບ

https://twitter.com/naail_979/status/1585720789721980929

ຢ່າງໃດກໍຕາມ, ອັນໂຕນີ ໄດ້ຖືກປ່ຽນຕົວໃນເວລາເຄິ່ງເວລາທີ່ສອງໂດຍບໍ່ຮູ້ສາເຫດ ແຕ່ຈາກກ້ອງຖ່າຍທອດສົດໄດ້ຈັບສີໜ້າຂອງ ເອຣິກ ເທນຮາກ ທີ່ໄດ້ເຫັນພາບອັນບາດຕາຂອງ ອັນໂຕນີ, ກໍ່ພໍຈະຮູ້ໄດ້ວ່າເປັນອາລົມທີ່ຮູ້ສຶກເບື່ອຫນ່າຍທີ່ສຸດ ເຖິງຂັ້ນກັບແກວ່ງຫົວອອກມາເລີຍ

ເທນຮາກ ສະແດງສີໜ້າຜິດຫວັງ https://twitter.com/btsportfoo…/status/1585722483482578944