ກາຕາຍົກເລີກສະແດງຜົນກວດໂຄວິດ ຜູ້ເດີນທາງເຂົ້າປະເທດ ເລີ່ມ 1 ພະຈິກ ຕ້ອນຮັບບານໂລກ

ກະຊວງສາທາລະນະສຸກຂອງກາຕາເປີດເຜີຍໃນວັນທີ 26 ຕຸລາວ່າ: ບັນດາຜູ້ເດີນທາງເຂົ້າສູ່ກາຕາບໍ່ຈຳເປັນຕ້ອງສະແດງຫລັກຖານຜົນການກວດເຊື້ອໂຄວິດ-19 ເປັນລົບໃນຂັ້ນຕອນການເດີນທາງເຂົ້າປະເທດ ໂດຍຈະເລີ່ມແຕ່ວັນທີ 1 ພະຈິກນີ້ເປັນຕົ້ນໄປ ເນື່ອງຈາກຈຳນວນຜູ້ຕິດເຊື້ອໂຄວິດ-19 ຍັງຫລຸດລົງຢ່າງຕໍ່ເນື່ອງທັງໃນກາຕາ ແລະ ທົ່ວໂລກ.

ສຳນັກຂ່າວກຽວໂດລາຍງານວ່າ: ການເຄື່ອນໄຫວດັ່ງກ່າວມີຂຶ້ນກ່ອນຈະຮອດກຳນົດການແຂ່ງຂັນບານໂລກ 2022 ຮອບສຸດທ້າຍທີ່ປະເທດກາຕາເປັນເຈົ້າພາບ ໂດຍການແຂ່ງຂັນຈະເລີ່ມຂຶ້ນໃນວັນທີ 20 ພະຈິກ – 18 ທັນວານີ້.