3 ທີມໃຫຍ່ພຣີເມຍລີກ ກຽມເປີດສາກຍາດ ແຟຣັງກີ ເດິ ຢອງ ໃນຕະຫລາດນັກເຕະປີໃຫມ່ນີ້
3 ທີມໃຫຍ່ແຫ່ງພຣີເມຍລີກ ອັງກິດ ຕົກເປັນຂ່າວພ້ອມເດີນໜ້າເສິກນອກສະໜາມໃນການໄລ່ລ່າລາຍເຊັນຂອງ ແຟຣັງກີ ເດິ ຢອງ ກອງກາງຈາກ ບາເຊໂລນາ ໃນ ລາ ລີກາ ສະເປນ ຮ່ວມທີມໃນ ຕະຫລາດຊື້ຂາຍ-ນັກເຕະ ເດືອນມັງກອນນີ້ຕາມ ການລາຍງານຈາກ ESPN.
ລາຍງານຊີ້ວ່າ ເຊລຊີ, ລີເວີພູລ ແລະ ແມນເຊສເຕີ ຢູໄນເຕັດ ຄື 3 ສະໂມສອນທີ່ພ້ອມຈະຍື່ນຂໍ້ສະເຫນີໃຫ້ບາເຊໂລນາ ແລະ ກອງກາງທີມຊາດເນເທີແລນ ພິຈາລະນາ ຫາກລາວຕ້ອງການບອກລາຖິ່ນ ຄຳ ນູ ໃນຕະຫລາດນັກເຕະເດືອນມັງກອນນີ້ ເມື່ອລາວບໍ່ໄດ້ຮັບໂອກາດໃນການລົງສະໜາມຫລາຍຢ່າງທີ່ຕ້ອງການ ຫລັງຈາກປະຕິເສດການຖືກຂາຍອອກຈາກທີມ ເມື່ອຕະຫລາດລະດູການຜ່ານມາ.
ຜ່ານມາ ບາເຊໂລນາ ໄດ້ຕອບຮັບຂໍ້ສະເໜີມູນຄ່າ 65+20 ລ້ານຢູໂຣ ຈາກ ແມນຢູ ແລະ ເຊັ່ນດຽວກັບເຊລ ແຕ່ໄລຍະໂຄ້ງສຸດທ້າຍ ຂອງຕະຫລາດລະດູການຜ່ານມາ ກອງກາງອາຍຸ 25 ປີ ກໍຍັງຄົງຫລິ້ນໃນທີມບາເຊໂລນາຕໍ່ໄປ.
ແຕ່ສະຖານະການຫລັງເປີດລະດູການ 2022/23 ລາວເລີ່ມຕົ້ນເປັນຕົວຈິງໃນທີມ ໄປພຽງ 5 ນັດເທົ່ານັ້ນລາຍທຸກລາຍການ ແລະ ຍັງສ່ຽງຕົກຮອບ ຢູຟາ ແຊ໊ມປຽນລີກ ເຊິ່ງຈະເຮັດໃຫ້ສະຖານະການທາງການເງິນຂອງພວກເຂົາຖືກບີບຫລາຍຂຶ້ນ ຈຶ່ງມີຄວາມ ເປັນໄປໄດ້ຫລາຍທີ່ທີມຕ້ອງຂາຍເລນັກເຕະໃນທີມເພື່ອດຶງສະຖານະທາງການເງິນໄວ້.
