ສະເປີມີໜາວ, ສື່ເຜີຍ ຣຽວ ມາດຣິດ ຕິດຕາມຜົນງານ ຊອນ ເຮືອງ ມິນ

ຣຽວ ມາດຣິດ ຕົກເປັນຂ່າວພວມຕິດຕາມຜົນງານ ຊອນ ເຮືອງ ມິນ ກອງໜ້າ ທັອດແນມ ຮັອດສະເປີ ເນື່ອງຈາກ ຄາໂລ ອັນເຊລັອດຕິ ຜູ້ຈັດການທີມມັກໃນຮູບແບບການຫລິ້ນຂອງນັກເຕະລາຍນີ້ເປັນພິເສດ.

ສຳລັບ ຊອນ ເຮືອງ ມິນ ຍ້າຍຈາກ ໄບເອີ ເລເວີຄູເຊັນ ມາຢູ່ກັບ ສະເປີ ຕັ້ງແຕ່ປີ 2015 ເຊິ່ງລາວກໍເຮັດຜົນງານໃຫ້ສະໂມສອນ ໄດ້ຢ່າງໂດດເດັ່ນມາຫລອດ.

ໂດຍສະເພາະໃນລະດູການຜ່ານມາ ດາວເຕະອາຍຸ 30 ປີ ຄວ້າລາງວັນເກືອບຄຳ ຫລື ດາວຍິງສູງສຸດຂອງພຣີເມຍລີກ ຮ່ວມກັບ ໂມຮາເຫມັດ ຊາລາ ກອງໜ້າລີເວີພູລ ຫລັງຍິງໄປເທົ່າກັນ 23 ປະຕູ ນອກຈາກນັ້ນລາວຍັງໄດ້ຮັບການລົງຄະແນນຢູ່ໃນອັນດັບ 11 ຂອງລາງວັນບັນລົງດໍ 2022 ນຳອີກ.

ເຖິງວ່າດາວເຕະທີມຊາດ ສ.ເກົາຫລີ ຈະໂຊຜົນງານໄດ້ຢ່າງໂດດເດັ່ນພຽງໃດ ແຕ່ລາວກໍຍັງຕົກເປັນຂ່າວເລື່ອງການ ຍ້າຍສັງ ກັດໜ້ອຍຫລາຍ ພ້ອມຍັງມີສັນຍາກັບສະເປີ ຢູ່ເຖິງີ 2025 ນຳອີກ.

ແນວໃດກໍຕາມຫລ້າສຸດ Sport One ສື່ເຢຍລະມັນລະບຸວ່າ ຜົນງານຂອງ ຊອນ ເຮືອງ ມິນ ນັ້ນພວມຢູ່ໃນການຈັບຕາເບິ່ງຂອງ ຄາໂລ ອັນເຊລັອດຕິ ຜູ້ຈັດການທີມ ຣຽວ ມາດຣິດ ເນື່ອງຈາກປະທັບໃຈກັບພອນສະຫວັນ ແລະ ສີຕີຂອງນັກເຕະລາຍນີ້.