ເອັມປັບເປ້ ຄອງຕຳແໜ່ງນັກກິລາທີ່ມີລາຍໄດ້ຫລາຍທີ່ສຸດໃນໂລກ

ສື່ຝຣັ່ງລາຍງານວ່າ ຄີລຽນ ເອັມປັບເປ້ ດາວຍິງຂອງ ເປແອສເຊ ກາຍເປັນນັກກິລາທີ່ີມີລາຍໄດ້ຈາກສັນຍາທີ່ເຊັນກັບຕົ້ນສັງ ກັດຫລາຍທີ່ສຸດໃນໂລກ ໂດຍລວມທຸກສິ່ງແລ້ວ ລາວຈະໄດ້ຮັບເງິນເຖິງ 547 ລ້ານປອນ ຕະຫລອດໄລຍະ 3 ປີຂອງສັນຍາ.

“ ເລີ ປາຣີຊຽງ ” ສື່ຊື່ດັງຂອງຝຣັ່ງ ລາຍງານວ່າ ຄີລຽນ ເອັມປັບເປ້ ດາວຍິງຂອງ ປາຣີສ ແຊັງ ແຊັກແມັງ ກາຍເປັນນັກກິລາ ທີ່ມີລາຍໄດ້ຫລາທີ່ສຸດໃນໂລກ ບໍ່ລວມລາຍໄດ້ຈາກນອກສະໜາມ ຫລັງຈາກຕົກລົງຕໍ່ສັນຍາກັບຕົ້ນສັງກັດ ເມື່ອໄລຍະລະດູການ ຜ່ານມາ ໂດຍລະບຸວ່າ ໃນໄລຍະ 3 ປີ ຕໍ່ຈາກນີ້ ດາວຍິງທີມຊາດຝຣັ່ງຈະມີລາຍໄດ້ເຂົ້າກະເປົາມະຫາສານເຖິງ 547 ລ້ານປອນ.

ສຳລັບລາຍໄດ້ໃນສ່ວນດັ່ງກ່າວ ປະກອບດ້ວຍຄ່າເມື່ອຍ ລວມເຖິງເງື່ອນໄຂຕ່າງໆທີ່ຈະເຮັດໃຫ້ລາວມີລາຍໄດ້ເພີ່ມ ແຕ່ບໍ່ມີເລື່ອງ ຂອງໂບນັສຕາມຜົນງານ ເຊ່ັນການພາທີມຄວ້າແຊ໊ມ ແຊ໊ມປຽນລີກ ຫລື ໂບນັສໃນການຄວ້າບັນລົງດໍແຕ່ຢ່າງໃດ ໂດຍ ນອກຈາກຄ່າເມື່ອຍ 650,000/ອາທິດແລ້ວ ເອັມປັບເປ້ ຍັງຈະໄດ້ຮັບເງິນຄ່າເຊັນສັນຍາ 156 ລ້ານປອນ ແບ່ງຈ່າຍ 3 ປີ ໂດຍຈະໄດ້ຮັບເຕັມຈຳນວນ ເຖິງລາວອາດຈະຍ້າຍອອກຈາກທີມໄປແລ້ວກໍຕາມ.

ນອກຈາກນີ້ ຍັງມີໂບນັສຄວາມຈົງຮັກພັກດີ ເຊິ່ງລາວຈະໄດ້ຮັບທຸກໆໄລຍະຫມົດລະດູການ ແລະ ຈະເພີ່ມຂຶ້ນເລື້ອຍ ລວມແລ້ວ ເງິນສ່ວນນີ້ເປັນຈຳນວນ 61 ລ້ານປອນ ລວມແລ້ວເຮັດໃຫ້ລວາຈະມີລາຍໄດ້ເຂົ້າກະເປົາເຖິງ 547 ລ້ານປອນ ຕະຫລອດ 3 ປີ.

ແນວໃດກໍຕາມ ມີລາຍງານວ່າ ສັນຍາ 3 ປີທີ່ ເອັມປັບເປ້ ເຊັ່ນກັບ ເປແອສເຊ ເມື່ອລະໄລຍະອາທິດທີ່ຜ່ານມາ ມີເງື່ອນໄຂວ່າ ສັນຍາດັ່ງກ່າວຈະຜູກມັດອັດຕະໂນມັດເປັນເວລາ 2 ປີ ຂະນະທີ່ປີສຸດທ້າຍຂອງສັນຍາຂຶ້ນຢູ່ກັບການຕັດສິນໃຈຂອງເອັມປັບເປ້ ວ່າຈະຢູ່ກັບທີມໄດ້ແບບລ້າໆທັນທີ.