ລີເວີພູລ ມີໂອກາດຄວ້າ ມູໂກໂກ ເສີມກອງໜ້າ

ລີເວີພູລ ເປັນທີມທີ່ມີສິດທີ່ຈະໄດ້ ຢູສຊູຟາ ມູໂກໂກ ກອງໜ້າພອນສະຫວັນຂອງ ດັອດມູນ ມາຮ່ວມທີມ ຫລັງນັກເຕະໃກ້ຈະຫມົດສັນຍາໃນໄລຍະລະດູການໜ້າ

ມູໂກໂກ ສ້າງຜົນງານໃຫ້ກັບ ດອດມຸນໄດ້ຢ່າງສຸດຍອດໃນລະດູການນີ້ ໂດຍຍິງໄປ 3 ປະຕູຈາກການລົງຫລິ້ນ 9 ນັດໃນບຸນເດສລີກາ ເຢຍລະມັນ ຈົນໄດ້ຮັບຄວາມສົນໃຈຈາກ ເຈີເກັນ ຄລອບ ຜູ້ຈັດການທີມ ລີເວີພູລ ທີ່ຢາກໄດ້ດາວຍິງອາຍຸ 17 ໄປຮ່ວມທີມເພື່ອ ເປັນກຳລັງເສີມໃນອະນາຄົດ ໂດຍສະເພາະຢ່າງຍິ່ງເມື່ອລາວພວມຈະສາມາດຍ້າຍສັງກັດໄດ້ບໍ່ມີຄ່າຕົວ ຫລັງຫມົດສັນຍາໃນ ຕົ້ນລະດູການໜ້າ.

ແນວໃດກໍຕາມ ລີເວີພູລ ໜ້າຈະຕ້ອງອົດທົນລໍຖ້າພໍສົມຄວນ ເພາະຍັງມີທັງ ບາເຊໂລນາ ແລະ ປາຣີສ ແຊັງ ແຊັກແມັງ ທີ່ພວມຈັບຕາເບິ່ງສະຖານະການຂອງ ກອງໜ້າທີມຊາດເຢຍລະມັນລຸ້ນອາຍຸ ບໍ່ເກີນ 21 ປີ ຢ່າງໃກ້ຊິດ ແລະ ພ້ອມຈະເອົາ ຕົວເຂົ້າໄປຮ່ວມສັງກັດເຊ່ັນດຽວກັນ.