ວາຣານ ອາດພາດໄປບານໂລກ, ຫລັງໄດ້ຮັບບາດເຈັບໜັກເກມພົບເຊລຊີ ເຖິງຂັ້ນຫລັ່ງນຳ້ຕາ

ດີດີເຢ ເດສຊອງ ຜູ້ຈັດການທີມຊາດຝຣັ່ງ ເຖິງກັບປວດຫົວກັບບາດ ເພາະຫລ້າສຸດ ຣາຟາເອລ ວາຣານ ກອງຫລັງຄົນເກ່ັງ ໄດ້ຮັບບາດເຈັບອ່າວໜັກລະຫວ່າງຊ່ວຍ ແມນເຊສເຕີ ຢູໄນເຕັດ ເມື່ອຄືນວັນເສົາທີ່ຜ່ານມາ ຈົນອາດຈະຫມົດສິດໄປບານໂລກ 2022.

ຣາຟາເອລ ວາຣານ ກອງຫລັງຄົນສຳຄັນຂອງ ແມນເຊສເຕີ ຢູໄນເຕັດ ໄດ້ຮັບບາດເຈັບອ່າວໜັກລະຫວ່າງເກມພຣີເມຍລີກ ນັດໃຫຍ່ທີ່ ແມນເຊສເຕີ ຢູໄນເຕັດ ບຸກໄປສະເຫມີ ເຊລຊີ 1-1 ເມື່ອວັນຄືວັນເສົາທີ 22 ຕຸລາທີ່ຜ່ານມາ.

ວາຣານ ໄດ້ຮັບບາດເຈັບຈາກຈັງຫວະພະຍາຍາມເຂົ້າສະກັດ ປີແອ ເອເມີຣິກ ໂອບາເມຢອງ ດາວຍິງຂອງເຊລຊີ ໃນໄລຍະຕົ້ນເຄິ່ງ ເວລາສອງ ເຊິ່ງຫລັງຈາກທີ່ນອນປະຖົມພະຍາຍາບານຈາກແພດສະໂມສອນ ລາວກໍຖືກປ່ຽນຕົວອອກໃນນາທີທີ 60 ໂດຍລະ ຫວ່າງຍ່າງອອກຈາກສະໜາມນັ້ນ ກອງຫລັງອາຍຸ 29 ປີ ກໍດຶງເສື້ອຂຶ້ນປົກຫນ້າຮ້ອງໄຫ້ດ້ວຍຄວາມຜິດຫວັງ ຄືຮູ້ຊະຕາຕົນ ເອງທີ່ອາດຈະພາດຊ່ວຍທີມຊາດຝຣັ່ງ ສູ້ເສິກບານໂລກ 2022 ທີ່ປະເທດກາຕາ ເຊ່ິງພວມຈະເປີດສາກຂຶ້ນກາງເດືອນໜ້າ.

ສຳລັບ ວາຣານ ຖືເປັນຫນຶ່ງໃນກຳລັງສຳຄັນຂອງທີມຊາດຝຣັ່ງຊຸດຄວ້າແຊ໊ມໂລກເມື່ອປີ 2018 ທີ່ປະເທດຣັສເຊຍ.