ຢູນີເທວ ນຳເອົາດີຈິຕອນ ມາສູ່ຊີວິດການເປັນຢູ່ຂອງປະຊາຊົນລາວ
October 19, 2022 - 9:52 AM
ເມື່ອ 13 ປີກ່ອນ, ໃນວັນທີ 16 ຕຸລາ 2009, ຢູນີເທວ ໄດ້ນຳເອົາເຕັກໂນໂລຊີຂໍ້ມູນຂ່າວສານ ເຂົ້າມານໍາໃຊ້ໃນປະເທດລາວ ຢ່າງເປັນທາງການ, ສະໜອງບໍລິການໂທລະຄົມມະນາຄົມໃຫ້ແກ່ປະຊາຊົນລາວ. ມາຮອດປັດຈຸບັນນີ້, ຊີວິດການເປັນຢູ່ຂອງປະ ຊາຊົນໄດ້ມີການພັດທະນາຂຶ້ນເລື້ອຍໆ ອັນເນື່ອງມາຈາກບັນດາເຕັກໂນໂລຊີ ແລະ ຜະລິດ ຕະພັນດີຈິຕອນທີ່ທັນສະໄໝຂອງ ຢູນີເທວ.
ປັດຈຸບັນ ປະຊາຊົນລາວ ຫັນມາໃຫ້ຄວາມສົນໃຈກັບດີຈິຕອນຫລາຍຂຶ້ນ.
ໃນຂະນະດຽວກັນ, ຢູນີເທວ ກໍໄດ້ຜັນຂະຫຍາຍ ສ້າງບໍລິການ ກະເປົ່າເງິນເອເລັກໂຕຣນິກ(u-money) ເຊິ່ງເປັນແອັບ ທີ່ບຸກເບີກທາງດ້ານວຽກງານການເງິນເທິງມືຖື, ສາ ມາດໂອນເງິນກະເປົາ-ກະເປົາ ຫລື ກະເປົາ-ທະນາຄານ, ຊຳລະຄ່າບໍລິການຕ່າງໆເຊັ່ນ: ຄ່ານໍ້າ, ຄ່າໄຟ, ຈ່າຍປະກັນ, ຊື້ແພັກເກດດາຕ້າແບບງ່າຍໆ, ສະດວກສະບາຍ ວ່ອງໄວ ແລະ ປອດໄພ.
ບັນດາບໍລິການທີ່ກ່າວມາຂ້າງເທິງນັ້ນ, ໄດ້ສະໜອງໂດຍກົງໃຫ້ແກ່ປະຊາຊົນລາວ, ຢູນີເທວ ຍັງຕັ້ງໜ້າສະໜັບສະໜູນລັດຖະບານລາວ ເຂົ້າໃນວຽກງານຊຸກຍູ້ສົ່ງເສີມວຽກງານການຫັນເປັນດີຈິຕອນໃຫ້ແກ່ບັນດາໂຄງການລັດຖະບານເອເລັກໂຕຣນິກ, ວິທະຍາສາດການແພດ, ເມືອງແຫ່ງອັດສະລິຍະ…ເປັນຜົນສຳເລັດອັນພາກພູມໃຈຂອງ ຢູນີເທວ ເຊິ່ງໄດ້ຮັບລາງວັນລະດັບສາກົນ ແລະ ສາມາດຍາດໄດ້ຫລາຍປີຕິດຕໍ່ກັນເຊັ່ນ: ໄດ້ຮັບລາງວັນ Stevie Awards ອາຊີ-ປາຊີຟິກ ທາງດ້ານ “ການປ່ຽນແປງບັນດາບໍລິການ ແລະ ຜະລິດ ຕະພັນ ໃຫ້ສອດຄ່ອງກັບຜູ້ຊົມໃຊ້”, ລາງວັນ ໄອທີໂລກ (IT World Awards) ທາງດ້ານ “ຜະລິດຕະພັນ ແລະ ບໍລິການເຕັກໂນໂລຊີ ໃຫ້ແກ່ລັດວິສາຫະກິດຂະໜາດໃຫຍ່”, ລາງວັນ ທຸລະກິດສາກົນ ທາງດ້ານ “ຜະລິດຕະພັນ B2B”…
ປັດຈຸບັນ, ແອັບ LaosApp ເຊິ່ງຢູນີເທວ ເປັນຜູ້ສ້າງ ໄດ້ກາຍເປັນແອັບທີ່ຄຸ້ນເຄີຍ, ຍິ່ງໄປກວ່ານັ້ນ ຍັງເປັນແອັບພິເຄຊັນ ແຫ່ງການສື່ສານຍຸກດີຈິຕອນ ທີ່ນ້ອຍໃນລາວແຕ່ມາພ້ອມກັບຄຸນສົມບັດຄົບຖ້ວນ ລວມບັນດາຟັງຊັນສໍາຄັນເຂົ້າມາຢູ່ໃນແອັບດຽວ, ຊ່ວຍໃຫ້ ການຕິດຕໍ່ສື່ສານຂອງທ່ານສະດວກສະບາຍ ແລະ ປະຢັດຂຶ້ນເຊັນ: ແຊັດ, videocall, ຟັງເພງ, ເບິ່ງໜັງ, ລາຍການໂທລະພາບ, ວິທະຍຸ ຫລື ສາມາດອ່ານບັນດາຂ່າວສານ ໃໝ່ໆໄດ້ອີກດ້ວຍ. ຄຸນສົມບັດທີ່ໃໝ່ໆ ຫລາກຫລາຍໄດ້ເພີ່ມເຂົ້າມາ ແລະ ເປັນທີ່ສົນໃຈໃຫ້ກັບໄວລຸ້ນຄື: ອອກເດດ, ຫາຄູ່ ຫລື ຟັງເພງຮ່ວມກັນ ນັບມື້ນັບສ້າງຄວາມສົນໃຈໃຫ້ແກ່ຜູ້ຊົມໃຊ້.
ພາລະກິດ ການສ້າງລະບົບດິຈິຕ໋ອນຂອງຢູນີເທວໃນລາວ
ກ່ອນໜ້ານີ້, ປະເທດລາວ ເປັນປະເທດໜຶ່ງທີ່ຂຶ້ນຊື່ວ່າ “ຂົງເຂດຂາດໂທລະຄົມມະ ນາຄົມ” ນັບຕັ້ງແຕ່ຢູນີເທວ ສ້າງຕັ້ງຂຶ້ນ, ຈຳນວນເລກໝາຍຜູ້ຊົມໃຊ້ເພີ່ມຂຶ້ນ 6 ເທົ່າ, ຈາກ 18% ຂຶ້ນເປັນ 100%, ປະກອບສ່ວນເຮັດໃຫ້ປະຊາຊົນໃນຂອບເຂດທົ່ວປະເທດ ໄດ້ເຂົ້າເຖິງລະບົບໂທລະຄົມມະນາຄົມ ແລະ ການສື່ສານໄດ້ຢ່າງທົ່ວເຖິງ ເຮັດໃຫ້ໄລຍະເສັ້ນທາງໃນການພົວພັນຕິດຕໍ່ສື່ສານ ລະຫວ່າງແຂວງເຖິງເມືອງ ແລະ ເຂດຫ່າງໄກສອກຫລີກ ໄດ້ເຊື່ອມຈອດເຂົ້າໃກ້ກັນຫລາຍຂຶ້ນ, ເຮັດໃຫ້ມີຄວາມສະດວກສະບາຍໃນການຕິດຕໍ່ແລກປ່ຽນຂໍ້ມູນ-ຂ່າວສານ, ເຂົ້າໃນການສຶກສາເພື່ອຍົກສູງ ຄວາມຮູ້ຄວາມສາມາດ ແລະ ສະຕິປັນຍາ…
ຢູນີເທວ ໄດ້ຂະຫຍາຍຕົວຢ່າງວ່ອງໄວ ແລະ ມີການພັດທະນາຢ່າງບໍ່ຢຸດຢັ້ງ, ປັດ ຈຸບັນ, ຢູນີເທວ ມີລະບົບໂຄງລ່າງພື້ນຖານໃຫຍ່ທີ່ສຸດໃນລາວ ເຊິ່ງປະກອບມີສູນສະຖານີຫລາຍກວ່າ 9.302 ສູນສະຖານີ, ໃນນັ້ນມີ 4.000 ສະຖານີ 4G ມີລະບົບສາຍສົ່ງສາຍກາບແກ້ວໃຍແສງ 37.500 ກິໂລແມັດ, ມີລູກຄ້ານໍາໃຊ້ບໍລິການຫລາຍກວ່າ 3,5 ລ້ານ ເລກໝາຍ ກວມເອົາ 58% ຂອງສ່ວນແບ່ງຕະຫລາດມືຖື, ສ້າງວຽກເຮັດງານທໍາໃຫ້ປະຊາ ຊົນລາວຫລາຍກວ່າ 27.000 ຄົນ.
ຢູນີເທວ ຍັງໄດ້ເອົາໃຈໃສ່ ແລະ ເລັງໃຫ້ເຫັນຄວາມສຳຄັນທາງດ້ານການຊົມໃຊ້ ອິນເຕີເນັດ ຂອງປະຊາຊົນ, ເລີຍໄດ້ຈັດຫລາຍໂປໂມຊັນ ແພັກເກັດສຸດຄຸ້ມ ແລະ ເໝາະສົມແກ່ລູກຄ້າ. ປັດຈຸບັນ, ລູກຄ້າທີ່ໃຊ້ smartphone ລ້ວນແລ້ວແຕ່ເຊື່ອມຕໍ່ກັບສັນຍານອິນເຕີເນັດຂອງຢູນີເທວ ໄດ້ທຸກທີ່ທຸກເວລາ, ນີ້ກໍເປັນປັດໄຈໜຶ່ງທີ່ສໍາຄັນ ເພື່ອການສ້າງສາ, ພັດທະນາລະບົບດີຈິຕອນໃຫ້ແກ່ສັງສັງຄົມ, ເປັນພາລະບົດບາດອັນຍິ່ງໃຫຍ່ໃນວຽກງານສ້າງສາຫັນເປັນດີຈິຕອນໃຫ້ແກ່ສັງຄົມ, ເສດຖະກິດດີຈິຕອນ ຂອງປະເທດລາວ.
ເພື່ອຜົນສຳເລັດໃນການກໍ່ສ້າງສັງຄົມດີຈິຕອນ ໃຫ້ມີປະສິດຕິພາບສູງສຸດ, ຢູນີເທວໄດ້ສ້າງເປົ້າໝາຍ ປ່ຽນຈາກບໍລິສັດສະໜອງບໍລິການໂທລະຄົມມະນາຄົມ ໃຫ້ກາຍເປັນບໍລິ ສັດ ສະໜອງບໍລິການທາງດ້ານດີຈິຕອນ, ຍົກສູງຜະລິດຕະພັນ, ບໍລິການໃຫມ່ເທິງພື້ນ ຖານດີຈິຕອນ, ສ້າງແບບແຜນທຸລະກິດໃຫ້ສອດຄ່ອງກັບເຕັກໂນໂລຊີ ແລະ ຜະລິດຕະພັນ ທີ່ທັນສະໄໝ, ຮັກສາຕຳແໜ່ງ ອັນດັບ 1 ທາງດ້ານໂທລະຄົມມະນາຄົມ ແລະ ເຕັກໂນໂລຊີ-ຂໍ້ມູນຂ່າວສານ ໃນປະເທດລາວ. ກັບການປະກອບສ່ວນເສຍພາສີ ແລະ ງົບປະມານລັດ ສະເລ່ຍ 53 ລ້ານໂດລາ/ປີ ໂດຍສະເພາະປີ 2021, ເຖິງວ່າຈະພົບຄວາມຫຍຸ້ງຍາກ ເນື່ອງຈາກການລະບາດຂອງພະຍາດ ໂຄວິດ-19 ແຕ່ລາຍຮັບຂອງຢູນີເທວ ຍັງຄົງບັນລຸເຖິງ 210 ລ້ານໂດລາ, ກຳໄລ 77 ລ້ານໂດລາ.
ນອກຈາກນີ້, ຢູນີເທວ ໄດ້ມີການຮ່ວມມືກັບພາກລັດຖະບານ ອີງໃສ່ຄວາມພ້ອມດ້ານລະບົບໂຄງລ່າງພື້ນຖານ, ການສະໜອງບໍລິການ ໂດຍມີຈຸດປະສົງຂອງໂຄງການຮ່ວມມືອັນດຽວກັນຄືການ “ຫັນເປັນດີຈິຕອນ” ດ້ວຍລະບົບເຕັກໂນໂລຊີທີ່ທັນສະໄໝ ຕາມນະໂຍບາຍ ແລະ ແຜນພັດທະນາ ຂອງລັດຖະບານ ແລະ ລັດວິສາຫະກິດ ເພື່ອເຂົ້າສູ່ຍຸກປະຕິວັດອຸດສາຫະກຳ 4.0 ຢູ່ ສປປ ລາວ ເຊິ່ງໄດ້ມີການເຊັນສັນຍາຮ່ວມມືກັບຫລາຍພາກສ່ວນເຊັ່ນ: ກະຊວງ ເຕັກໂນໂລຊີ ແລະ ການສື່ສານ ໃນການພັດທະນາວຽກງານເທັກໂນໂລຊີຂ່າວສານ ເປັນແບບຄົບວົງຈອນ, ລະບົບບໍລິຫານລັດດ້ວຍເອເລັກໂຕຣນິກ ເປັນຕົ້ນ ການຄົ້ນຄວ້າພັດທະນາ ມາດຕະຖານລະບົບ Software/Program, ເຊັນບົດບັນທຶກຄວາມເຂົ້າໃຈກັບສະມາຄົມການຄ້າ ໄອຊີທີລາວ (LICA), ເຊັນບົດບັນທຶກຄວາມເຂົ້າໃຈກັບກົມຊົນລະປະທານ, ກະຊວງກະຊິກໍາ ແລະ ປ່າໄມ້ ໃນການຫັນຂະແໜງຊົນລະປະທານເປັນທັນສະໄໝ, ເຊັນສັນຍາຕິດຕັ້ງສູນຂໍ້ມູນຮັບໃຊ້ໂຄງການຄຸ້ມຄອງບັດປະຈໍາຕົວ ຂອງກະຊວງປ້ອງກັນຄົມສະຫງົບ, ເຊັນບົດບັນທຶກຄວາມເຂົ້າໃຈກັບກົມຄຸ້ມຄອງສໍາມະໂນຄົວ ແລະ ກໍ່ສ້າງຮາກຖານ, ກະຊວງປ້ອງກັນຄວາມສະຫງົບ ດ້ານການຄຸ້ມຄອງສໍາມະໂນຄົວ, ອອກບັດປະຈຳຕົວ ຫັນເປັນທັນສະໄໝ ຂອງ ສປປ ລາວ; ການຮ່ວມມືເພື່ອຈັດຕັ້ງຜັນຂະຫຍາຍການຫັນເປັນດີຈິຕອນຂອງ ຂະແໜງການສຶກສາທິການ ແລະ ກິລາກະຊວງສຶກສາທິການ ແລະ ກິລາເພື່ອເປັນການຊຸກຍູ້ ແລະ ສົ່ງເສີມການຄຸ້ມຄອງ, ການບໍລິຫານ ລວມທັງ ການບໍລິການ ໃຫ້ແກ່ ລັດຖະບານ ແລະ ສັງຄົມ. ນອກຈາກນັ້ນ, ຍັງໄດ້ມີການຮ່ວມມືກັບວິສາຫະກິດ ແລະ ບັນດາບໍລິສັດຕ່າງໆເຊັ່ນ: ການຮ່ວມມືກັບ ວິສາຫະກິດ ຂະໜາດໃຫຍ່ ຂອງ ສປປ ລາວ ລັດວິສາຫະກິດ ການບິນລາວແລະ ລັດວິສາຫະກິດ ໄຟຟ້າລາວ, ຮ່ວມມືກັບທະນາຄານ ຮ່ວມທຸລະກິດ ລາວ-ຫວຽດ ຈຳກັດ(LVB), ເຊັນບົດບັນທຶກການຮ່ວມມືກັບ ບໍລິສັດ ຢູນິກເຕັກ ຈຳກັດ, ບໍລິສັດ ບໍລິສັດ ຄົມປັນຍາ ເອັນເຕີເທນເມັ້ນ ອີເວັນ ແລະ ອໍແກໄນເຊີ້ຈຳກັດ, CA ຮ່ວມກັບບໍລິສັດ ວິນເທັສ ຈຳກັດ.
ຢູນີເທວຈະສືບຕໍ່ພັດນະທະຢ່າງບໍ່ຢຸດຢັ້ງ ເພື່ອນໍາເອົາສິ່ງໃໝ່ໆໂດຍສະເພາະວຽກງານສື່ສານໂທລະຄົມມະນາຄົມ ທີ່ນັບມື້ນັບຂະຫຍາຍຕົວ ປ່ຽນແປງໃໝ່ຫລາຍດ້ານ ອໍານວຍຄວາມສະດວກໃຫ້ແກ່ປະຊາຊົນ ໃຫ້ສາມາດນໍາໃຊ້ເຄື່ອງມືການສື່ສານແບບສະດວກສະບາຍ, ຮຽນຮູ້ຜ່ານສື່ສານອອນລາຍໄດ້ຫລາຍຂຶ້ນແບບບໍ່ມີຂີດຈໍາກັດ, ຢູນີເທວ ຈະບໍ່ຢຸດທີ່ຈະພັດທະນາ ແລະ ຈະຊອກຫາ ສິ່ງໃໝ່ໆມາໃຫ້ລູກຄ້າໄດ້ນໍາໃຊ້ ທຽບເທົ່າກັບສາກົນທີ່ກໍາລັງມີ.
ຢູນີເທວຂໍສະແດງຄວາມຮູ້ບຸນຄຸນເປັນຢ່າງສູງ ມາຍັງ ບັນດາອົງກອນອ້ອມຂ້າງ ເປັນຕົ້ນ ໜ່ວຍງານລັດຖະບານ, ອົງກອນ, ວິສາຫະກິດທຸກພາກສ່ວນ ທີ່ເປັນສ່ວນໜຶ່ງຊ່ວຍເຫລືອໃນຫລາຍດ້ານແກ່ ຢູນີເທວ ໄດ້ຮັບຜົນສໍາເລັດໃນມື້ນີ້. ຂໍສະແດງຄວາມຂອບໃຈເປັນຢ່າງສູງຢ່າງຈິງໃຈ ມາຍັງລູກຄ້າທີ່ໜ້າຮັກ, ຮ້ານຕົວແທນຈໍາໜ່າຍຂອງຢູນີເທວ ທີ່ຢູ່ຄຽງຂ້າງ ແລະ ໃຫ້ການສະໜັບສະໜູນແກ່ຢູນີເທວ ຕະຫລອດມາ ແລະ ຢູນີເທວ ສັນຍາວ່າຈະສືບຕໍ່ຄຽງຂ້າງທ່ານ ເພື່ອສ້າງສັນສິ່ງໃໝ່ໆສະໜອງສູ່ສັງຄົມລາວນັບມື້ນັບເຂັ້ມແຂງ ແລະ ຈະເລີນກ້າວໜ້າຂຶ້ນໄປເລື້ອຍໆ.
