Google ເຜີຍຊື່ຂອງລະບົບປະຕິບັດການ Android O ແລ້ວ

ເປັນທໍານຽມຂອງ Google ທີ່ທຸກຄັ້ງເມື່ອເປີດຕົວ Android ເວີຊັນໃຫມ່ ຈະມີການເຮັດແບບໜ້າຮັກໜ້າຮັກອອກມາສະເໝີ ເຊິ່ງໃນຕອນນີ້ Android O ຫຼື Android 8.0 ກໍໄດ້ເປີດຕົວແລ້ວຢ່າງເປັນທາງການ.

ໂດຍຄິບເປີດຕົວ Google ໄດ້ນໍາເອົາປາກົດການສຸລິຍຸປະຣາຄາທີ່ກໍາລັງເກີດຂຶ້ນຢູ່ປະເທດສະຫະລັດອາເມລິກາມາຫຼິ້ນ ຈາກຄິບເຮົາຈະເຫັນສຸລິຍຸປະຣາຄາຫຼົ່ນລົງມາເປັນ Oreo.

ສໍາລັບ Android O ອາດຈະບໍ່ໄດ້ມີຄຸນສົມບັດໃຫມ່ທີ່ໂດດເດັ່ນພໍປານໃດ ເພາະເທື່ອນີ້ Google ເນັ້ນໃສ່ການປັບປຸງລະບົບປະຕິບັດການເກົ່າໃຫ້ດີຍິ່ງຂຶ້ນເຊັ່ນ: ການຫຼຸດເວລາໃນການບູທເຄື່ອງ, ການໃຊ້ພະລັງງານແບັດເຕີຣີທີ່ຫຼຸດລົງ, Picture-in-picture multitasking, ຮອງຮັບແອັບ Android instant (ແອັບທີ່ສາມາດໃຊ້ໄດ້ທັນທີໂດຍບໍ່ຕ້ອງດາວໂຫຼດຈາກ Google Play ການເຮັດວຽກຄ້າຍຄືກັບ Web app).

            ໂດຍປົກກະຕິແລ້ວ Android ເວີຊັນໃຫມ່ມັກຈະມາພ້ອມກັບໂທລະສັບລຸ້ນໃຫມ່ ແຕ່ໃນໄລຍະປີຜ່ານມາ Google ໄດ້ມີການກໍານົດເວລາອັບເດດທີ່ຈະແຈ້ງຫຼາຍຂຶ້ນ ສໍາລັບຜູ້ໃຊ້ມືຖືຕະກຸນ Nexus  ຫຼື Pixel ຄາດວ່າຈະໄດ້ຮັບການ Android 8.0 Oreo ໃນລະດູແລ້ງທີ່ຈະມາເຖິງນີ້.