ກຽມເປັນເສດຖີນ້ອຍ, ຮາແລນ ຮັບຄ່າເມື່ອຍສູງສຸດໃນພຣີເມຍລີກເຖິງ 900,000 ປອນຕໍ່ອາທິດ

ສື່ອັງກິດວ່າ ເອີລິງ ຮາແລນ ດາວຍິງຟອມຮ້ອນຂອງແມນເຊສເຕີ ຊິຕີ ຮັບຄ່າເມື່ອຍສູງເຖິງ 900,000 ປອນ/ອາທິດ.

ເອີລິງ ຮາແລນ ກອງໜ້າຕີຄົມຂອງ ແມນເຊສເຕີ ຊິຕີ ຂຶ້ນແທ່ນເປັນນັກເຕະທີ່ໄດ້ຮັບຄ່າເມື່ອຍສູງທີ່ສຸດໃນພຣີເມຍລີກ ອັງກິດ ແບບບໍ່ມີຄູ່ແຂ່ງ ຫລັງ ເດລີ ເມລ ສື່ໃນອັງກິດເປີດເຜີຍວ່າ ປັດຈຸບັນ ກອງໜ້າອາຍຸ 22 ປີ ຮັບຊັບຈາກຕົ້ນສັງກັດອາທິດລະ 900,000 ປອນ.

“ Daily mail ” ລາຍງານວ່າ ຈາກການສ້າງຜົນງານໄດ້ຢ່າງຮ້ອນແຮງ ໂດຍຍິງໄປແລ້ວ 19 ປະຕູຈາກການລົງຫລິ້ນ 12 ນັດ ລວມທຸກລາຍການເຮັດໃຫ້ ຮາແລນ ໄດ້ຮັບຄ່າຈ້າງພື້ນຖານພ້ອມເງິນໂບນັສຈາກການພາທີມຄວ້າໄຊຊະນະ ແລະ ຈາກການ ຍິງປະຕູລວມແລ້ວເຖິງອາທິດລະ 865,000 ປອນ.

ນອກຈາກນີ້ຍັງມີການຄຳນວນເອົາໄວ້ນຳອີກວ່າ ຫາກ ຮາແລນ ຍັງຄົງເດີນນ້າສ້າງຜົນງານໄດ້ໃນລະດັບນີ້ຕໍ່ໄປເລື້ອຍໆ ກໍຈະ ເຮັດໃຫ້ລາວມີລາຍໄດ້ສູງເຖິງ 45 ລ້ານປອນ ຈາກການເຮັດວຽກພຽງ 1 ປີເທົ່ານັ້ນ.

ແນວໃດກໍຕາມເຖິງຈະຕ້ອງຈ່າຍຄ່າຈ້າງແພງ ແຕ່ຜູ້ບໍລິຫານຂອງແມນເຊສເຕີ ຊິຕີ ກໍຍັງເບິ່ງວ່າ ຄຸ້ມຄ່າເມື່ອເບິ່ງຈາກຄ່າສະເລ່ຍ ໃນການຍິງປະຕູທີ່ສູງເຖິງ 1,89% ປະຕູ/ເກມໃນພຣີເມຍລີກຂອງ ຮາແລນ ແລະ ຄາດເດົາກັນວ່າ ຮາແລນ ອາດຍິງປະຕູໃນລີກ ສູງສຸດໃນອັງກິດໄດ້ຫລາຍເຖິງ 67 ປະຕູ/ຫນຶ່ງລະດູການກໍເປັນໄດ້.