ສະພາແຫ່ງຊາດ ເຜີຍແຜ່ດໍາລັດວ່າດ້ວຍການປະຢັດ ແລະ ຕ້ານການຟຸມເຟືອຍ

ວັນທີ 29 ກັນຍາ 2022 ສະພາແຫ່ງຊາດ ໄດ້ຈັດກອງປະຊຸມເຜີຍແຜ່ດໍາລັດວ່າດ້ວຍການປະຢັດ ແລະ ຕ້ານການຟຸມເຟືອຍ, ເຜີຍແຜ່ວຽກຈຸດສຸມ 6 ເດືອນທ້າຍປີ 2022 ຂອງຄະນະປະຈໍາສະພາແຫ່ງຊາດ ໂດຍມີ ທ່ານ ຄໍາໃບ ດຳລັດ ກໍາມະການສູນກາງພັກ ເປັນປະທານ, ມີຄະນະປະຈຳຄະນະບໍລິຫານງານພັກສະພາແຫ່ງຊາດ, ຮອງປະທານສະພາແຫ່ງຊາດ; ເຂົ້າຮ່ວມມີຄະນະບໍລິຫານງານພັກສະພາແຫ່ງຊາດ, ຄະນະພັກຮາກຖານ, ໜ່ວຍພັກຮາກຖານ, ໜ່ວຍພັກທີ່ຂຶ້ນກັບຄະນະພັກຮາກຖານ, ສະມາຊິກພັກສົມບູນ, ສຳຮອງທົ່ວອົງຄະນະພັກສະພາແຫ່ງຊາດ.

ເພື່ອເປັນການເຮັດໃຫ້ສະມາຊິກພັກ, ພະນັກງານ-ລັດຖະກອນ ພາຍໃນສະພາແຫ່ງຊາດມີຄວາມຮັບຮູ້ ແລະ ເຂົ້າໃຈຢ່າງເລິກເຊິ່ງຕໍ່ແນວທາງນະໂຍບາຍຂອງພັກທີ່ຜັນຂະຫຍາຍເປັນນິຕິກໍາອັນລະອຽດຂອງອົງການຈັດຕັ້ງລັດ ເຊິ່ງພະນັກງານ-ລັດຖະກອນ ມີຄວາມຈໍາເປັນຕ້ອງໄດ້ເຂົ້າໃຈເຊື່ອມຊຶມ ແລະ ມີຄວາມຈໍາເປັນໃນສະພາບເສດຖະກິດ-ການເງິນໃນປັດຈຸບັນ ແລະ ປະຕິບັດຕາມດຳລັດວ່າດ້ວຍການປະຢັດ ແລະ ຕ້ານການຟຸມເຟືອຍ ຢ່າງເຂັ້ມງວດ.