ເຊລຊີ ວາງເປົ້າຄວ້າ 3 ດາວດັງ ຍົກເຄື່ອງແຜງກອງກາງໃຫມ່

ເຊລຊີ ວາງເປົ້າຍົກເຄື່ອງແຜງກອງກາງຄັ້ງໃຫມ່ ດ້ວຍການເຊັນສັນຍາ 3 ດາວດັງຄື : ດີແຄລນ ໄຣ, ຈູດ ເບລລິງແຮມ ແລະ ຄຣິສໂຕເຟີ ເອັນຄູນຄູ ມາຮ່ວມທີມໃນຕະຫລາດນັກເຕະປີໜ້າ.

ເຊລຊີ ທີມດັງແຫ່ງພຣີເມຍລີກ ອັງກິດ ວາງແຜນຍົກເຄື່ອງແດນກາງຄັ້ງໃຫຍ່ ດ້ວຍການຄວ້າ 3 ດາວດັງຢ່າງ : ດີແຄລນ ໄຣ ຂອງເວສແຮມ ຢູໄນເຕັດ, ຈູດ ເບລິງແຮມ ຂອງໂບຣຸສເຊຍ ດອດມຸນ ແລະ ຄຣິສໂຕເຟີ ເອັນຄຸນຄູ ຂອງ ແອເບ ໄລຊິກ ມາຮ່ວມທີມໃນລະດູການໜ້າ.

ເຖິງວ່າເຊລຊີຈະເສີມທີມໄປແລ້ວເກືອບ 300 ລ້ານປອນ ໃນລະດູການນີ້ ແຕ່ ເທເລກຣາຟ ສື່ໃນອັງກິດ ລາຍງານວ່າ ທັອດ ໂບລີ ເຈົ້າຂອງທີມໃຫມ່ເຊລຊີ ຍັງບໍ່ມີທ່າທີວ່າຈະຢຸດຊື້ງ່າຍໆ ໂດຍເລັງຄວ້າ, ໄຮ, ເບລລິງແຮມ ແລະ ເອັນຄຸນຄູ ເຂົ້າມາເສີມແດນກາງ ເພື່ອເປັນຕົວແທນຂອງ ຈໍຈິນໂຢ ແລະ ເອັນໂກໂລ ກ໊ອງເຕ ທີ່ເຫລືອສັນຍາຈົນເຖິງຫມົດລະດູການນີ້ ແລະ ຍັງບໍ່ມີທີທ່າວ່າຈະຕໍ່ສັນຍາໃຫມ່ທັງຄູ່.