ເປເຢກຣີນີ ອະດີດຜູ້ຈັດການແມນຊິຕີ ຖືກປັບໄຫມຫນັກຫລັງໜີພາສີ

ມານູເອລ ເປເຢກຣີນີ ອະດີດຜູ້ຈັດການທີມ ແມນເຊສເຕີ ຊິຕີ ເຊິ່ງປັດຈຸບັນຄຸມທີມ ເຣອັລ ເບຕິສ ກົມພາສີຂອງອັງກິດສັ່ງປັບ ເງິນຈຳນວນ 343,000 ປອນ ໂທດຖານຈົງໃຈໜີພາສີຕອນເຮັດວຽກໃນອັງກິດ.

ສຳລັບ ເປເຢກຣີນີ ເຄີຍເຮັດວຽກໃນອັງກິດດ້ວຍການຄຸມ 2 ທີມດັງພຣີເມຍລີກເຊ່ັນ ແມນເຊສເຕີ ຊິຕີ ລະຫວ່າງປີ 2013-2016 ແລະ ເວສແຮມ ຢູໄນເຕັດ ລະຫວ່າງປີ 2018-19 ກ່ອນທີ່ປັດຈຸບັນຈະເຮັດໜ້າທີ່ເປັນຜູ້ຈັດການທີມຂອງ ເຣອັລ ເບຕິສ ໃນລາລີກາ ສະເປນ.

ແນວໃດກໍຕາມ ສື່ໃນອັງກິດເປີດເຜີຍວ່າ ເປເຢກຣີນີ ຖືກພົບວ່າມີຄວາມຜິດໃນຂໍ້ຫາເຈດຕະນາໜີພາສີລະຫວ່າງທີ່ລາວ ຄຸມແມນຊິຕີ ປີ 2014-2017 ມູນຄ່າ 816,579,80 ປອນ.

ຈາກຄວາມຜິດທີ່ເກີດຂຶ້ນເຮັດໃຫ້ຄູເຝິກອາຍຸ 69 ປີຖືກກົມພາສີອັງກິດສັ່ງປັບເປັນຈຳນວນເງິນ 343,000 ປອນ ຖືເປັນໂທດ ປັບເງິນດ້ວຍຂໍ້ຫາດັ່ງກ່າວທີ່ສູງສຸດໃນປະຫວັດສາດວົງການບານເຕະອັງກິດ.

ສຳລັບເດືອນມິຖຸນາ ມີລາຍງານວ່າມີນັກເຕະບານອາຊີບຈຳນວນ 329 ຄົນທີ່ຢູ່ໃນລະຫວ່າງການສອບສວນໃນກໍລະນີຕັ້ງ ໃຈໜີພາສີ.