ນີເຊຣີ ຮັບມືກັບໄພນ້ຳຖ້ວມຢ່າງໜັກມີຜູ້ເສຍຊີວິດກວ່າ 300 ຄົນ
September 24, 2022 - 10:16 AM
ສຳນັກຂ່າວ ຣອຍເຕີລາຍງານໃຫ້ຮູ້ວ່າ: ໃນວັນທີ 22 ກັນຍາ 2022 ທີ່ຜ່ານມາ ໄພນ້ຳຖ້ວມໃນ ນີເຊຣີ ປີນີ້ມີຜູ້ເສຍຊີວິດຫລາຍກວ່າ 300 ຄົນ ແລະ ສະຖານະການອາດຮຸນແຮງ ຫລາຍກວ່ານີ້ ເນື່ອງຈາກຝົນຕົກໜັກ ແລະ ຜົນກະທົບຂອງນ້ຳ ທີ່ປ່ອຍອອກ ຈາກເຂື່ອນ ໃນແຄເມີຣູນ ສ້າງຜົນກະທົບຕໍ່ 14 ລັດ ຂອງປະເທດ. ຂະນະທີ່ ປະຊາຊົນ ຫລາຍກວ່າ 100.000 ຄົນ ຕ້ອງຍົກຍ້າຍ ອອກຈາກທີ່ຢູ່ອາໄສ ໃຫ້ໄປຢູ່ສູນພັກຊົ່ວຄາວເພື່ອຄວາມປອດໄພ.ປັດຈຸບັນ ເຈົ້າໜ້າທີ່ ກູ້ໄພ ພວມໃຫ້ການຊ່ວຍເຫລືອ ຜູ້ທີ່ຖືກເຄາະຮ້າຍ ພ້ອມທັງກຽມສະບຽງອາຫານ, ນ້ຳດື່ມ ແລະ ເຄື່ອງໃຊ້ທີ່ຈຳເປັນໃຫ້ກັບຜູ້ປະສົບໄພໃນຄັ້ງນີ້ຢ່າງຮີບດ່ວນ.
