ກອງປາບປາມໄທ ເປີດປະຕິບັດການ FAT FAST ບຸກຄົ້ນ 52 ຈຸດທົ່ວປະເທດ ກວາດລ້າງເຄືອຂ່າຍເວັບພະນັນອອນລາຍ

ສຳນັກຂ່າວ Work point Today ລາຍງານໃຫ້ຮູ້ວ່າ:ໃນວັນທີ 22 ກັນຍາ 2022 ນີ້ ພົນຕຳຫລວດຕີ ມົນຕີ ເທດຂັນ ຜູ້ບັງຄັບການປາບປາມ ແລະ ພົນຕຳຫລວດເອກ ວິວັດ ຈິດໂສພາກຸນ ຜູ້ກຳກັບ 3 ກອງບັງຄັບການປາບປາມ ນຳກຳລັງເຈົ້າໜ້າທີ່ຊຸດປະຕິບັດການ ທຳລາຍເຄືອຂ່າຍເວັບພະນັນອອນລາຍ FAT FAST ເຂົ້າກວດຄົ້ນພື້ນທີ່ເປົ້າໝາຍ 52 ຈຸດທົ່ວປະເທດໄທ ເພື່ອກວາດລ້າງຈັບກຸມຜູ້ຕ້ອງຫາຂະບວນການດັ່ງກ່າວຕາມໝາຍຈັບສານອາຍາ ຈຳນວນ 44 ໝາຍຈັບ.

ສຳລັບການປະຕິບັດການດັ່ງກ່າວສືບເນື່ອງມາຈາກໃນຊ່ວງທີ່ຜ່ານມາມີປະຊາຊົນໄດ້ຮັບຄວາມເດືອດຮ້ອນເສຍຫາຍຈາກເຄືອຂ່າຍເວັບພະນັນອອນລາຍ ຊັກຊວນ, ມອມເມົາ ໃຫ້ຫລີ້ນການພະນັນຢ່າງບໍ່ຢ້ານກົວຕໍ່ກົດໝາຍ ໂດຍສະເພາະໃນກຸ່ມເດັກນ້ອຍ ແລະ ເຍົາວະຊົນ ລວມເຖິງບຸກຄົນທົ່ວໄປ ຈົນເຮັດໃຫ້ເກີດໜີ້ສິນຈຳນວນຫລາຍສົ່ງຜົນໃຫ້ມີການກໍ່ອາດຊະຍາກຳອື່ນໆຕາມມາ.

ຈາກການສືບສວນ-ສວບສວນ ຈຶ່ງຮູ້ວ່າເຄືອຂ່າຍດັ່ງກ່າວມີການເຮັດເປັນຂະບວນໃຫຍ່ ແບ່ງໜ້າທີ່ກັນເຮັດວຽກຢ່າງຊັດເຈນ ເປັນຕົ້ນແມ່ນຝ່າຍບັນຊີ, ຝ່າຍການເງິນ, ໂຄສະນາ, ຄົນຈັດຫາບັນຊີ, ບໍລິຫານ ຈຶ່ຝນຳໄປສູ່ການເປີດປະຕິບັດການກວດຄົ້ນຈັບກຸມທົ່ວປະເທດ.