ແຈັກ ກຣີລິສ ແຈ້ງໂຕແທນຂໍອຳລາແມນຊິຕີ ລະດູການໜ້າ

ສື່ລາຍງານວ່າ : ແຈັກ ກຣີລິສ ກອງໜ້າຂອງ ແມນເຊສເຕີ ຊິຕີ ແຈ້ງກັບໂຕແທນສ່ວນຕົວໃຫ້ຫາສະໂມສອນໃຫມ່ ເນື່ອງຈາກລາວຄາດຫວັງວ່າຈະອຳລາ ແມນຊິຕີ ໃນລະດູການໜ້າ.

ສຳລັບ ກຣີລິສ ຍ້າຍຈາກ ແອສຕັນ ວິລລາ ມາຢູ່ກັບ ແມນ ຊິຕີ ດ້ວຍຄ່າຕົວ 100 ລ້ານປອນ ເມື່ອປີ 2021 ແຕ່ສຸດ ທ້າຍ ລາວກໍສ້າງຜົນງານບໍ່ຄ່ອຍໜ້າພໍໃຈດ້ວຍສະຖິຕິຍິງ 7 ປະຕູກັບ 4 ແອສຊິສ ຈາກການລົງສະໜາມ 45 ນັດທຸກລາຍການ.

ຈາກຜົນງານທີ່ເກີດຂຶ້ນສົ່ງຜົນໃຫ້ດາວເຕະອາຍຸ 27 ປີຕ້ອງຕົກເປັນຕົວສຳຮອງ ໂດຍໃນລະດູການນີ້ ລາວໄດ້ລົງຫລິ້ນໄປພຽງ 3 ນັດ ເທົ່ານັ້ນໃນພຣີເມຍລີກ ແລະຍັງຖືກວິຈານຢ່າງໜັກວ່າຫລິ້ນບໍ່ຄຸ້ມຄ່າຕົວ.

ຈົນຫລ້າສຸດ ສື່ບານເຕະຊື່ດັງລະບຸວ່າ ນັກເຕະທີມຊາດອັງກິດລາຍນີ້ບໍ່ຄິດທີ່ຈະຢູ່ກັບ ແມນເຊສເຕີ ຊິຕີ ຕໍ່ໄປຫລັງຈົບລະດູການນີ້ ແລະ ໄດ້ແຈ້ງກັບຕົວແທນສ່ວນຕົວແລ້ວວ່າໃຫ້ຫາສະໂມສອນທີ່ມີສັກກະຍະພາບ ແລະ ເໝາະສົມກັບລາວໄວ້.