ສື່ແນະນຳແຟນບານໂລກ 2022 ຮີບຈອງຫ້ອງພັກທີ່ກາຕາ ຫລັງໂຮງແຮມໃກ້ຈະເຕັມ

‘‘ Daily mail ’’ ສື່ຊື່ດັງຂອງອັງກິດລາຍງານວ່າ ແຟນບານທີ່ຕ້ອງການຈະໄປຊົມການແຂ່ງຂັນບານໂລກ 2022 ທີ່ປະເທດກາຕາ ທ້າຍປີນີ້ ອາດຕ້ອງເລ່ັງດ່ວນໃນການຈອງຫ້ອງພັກ ເນື່ອງຈາກໂຮງແຮມໃນນະຄອນຫລວງໂດຮາ ຕອນນີ້ຍອດຈອງກວ່າ 80% ເປັນຂອງຟີຟາ ແຕ່ຕໍ່ໃຫ້ໄດ້ຫ້ອງຫວ່າງກັບຄືນມາພາຍໃນທ້າຍເດືອນນີ້ ຜູ້ທີ່ໄດ້ສິດກ່ອນຍັງຄົງເປັນລູກຄ້າໃນອຸດສາຫະກຳນັກມັນ ແລະ ກາສທຳມະຊາດທີ່ລົງທຸນໃນປະເທດ.

ແຫລ່ງຂ່າວໃນສະມາຄົມແຟນຟຸດບອລ (FSA) ລະບຸພ້ອມແນະນຳວ່າຫ້ອງພັກແບບວິລລາ ແລະ ອາພາດເມັນລາຄາຖືກສຸດປະ ມານ 70 ປອນຕໍ່ຄືນ ຫລືປະມານ 1,450,000 ກີບ ຖືກຂາຍໄປຫມົດແລ້ວ ແລະ ຄວາມຕ້ອງການຫ້ອງພັກມີຫລາຍໃນໄລຍະ ເລີ່ມຕົ້ນການແຂ່ງຂັນ.

ລັດຖະບານ ກາຕາ ຫາກໍປະກາດອະນຸຍາດໃຫ້ຄົນທ້ອງຖິ່ນສາມາດປ່ອຍເຊົ່າຫ້ອງພັກຂອງຕົນເອງໃຫ້ກັບແຟນບານຕ່າງຊາດ ແຕ່ໃນແອບພລີເຄຊັນ ບ່ອນພັກຊື່ດັງເຊ່ັນ Airbnb ພົບວ່າມີຫ້ອງຢູ່ຫນ້ອຍຫລາຍທີ່ລາຄາຕຳ່ກວ່າ 200 ປອນຕໍ່ຄື ຫລື ປະມານ 4,200,000 ກີບ ສ່ວນໃນ Booking.com ມີບ່ອນພັກພຽງ 20 ແຫ່ງທີ່ມີຫ້ອງຫວ່າງ 3 ຄືນທຳອິດ ແຕ່ມີອີກເປັນແສນຫ້ອງທີ່ ຫວ່າງຢ່າງໜ້ອຍ 1 ຄືນ.

ແຕ່ນອກຈາກນີ້ຍັງມີທີ່ພັກເປັນໝູ່ບ້ານກາງເຕັ້ນ ອັລ ຄໍ ແຄມ ທີ່ພວມກໍ່ສ້າງຢູ່ທາງຕອນເໜືອຂອງໃຈກາງໂດຮາ 40 ນາທີ ສ່ວນກາງມີ ເຈົ້າໜ້າທີ່ຮັກສາຄວາມປອດໄພ ສະລອຍນ້ຳ ຫ້ອງອອກກຳລັງກາຍສະໜາມເທັນນິສ.