ນະຄອນຫລວງວຽງຈັນ ຫັນພະນັກງານລົງກໍ່ສ້າງຮາກຖານກັບທີ່ ເພື່ອແຂ່ງຂັນຮັກຊາດ ແລະ ພັດທະນາ
ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫລວງວຽງຈັນ ໄດ້ປະກອບຄຳຄິດເຫັນຕໍ່ກອງປະຊຸມສະຫລຸບຂະບວນການແຂ່ງຂັນ ຮັກຊາດ ແລະພັດທະນາ ໃນວັນທີ 16 ກັນຍາ 2022 ຜ່ານມາ ທີ່ຫໍປະຊຸມແຫ່ງຊາດນະຄອນຫລວງວຽງຈັນວ່າ: ການຫັນລົງກໍ່ສ້າງຮາກຖານເປັນມາດຕະການອັນຈໍາເປັນໃນເງື່ອນໄຂຂອງປະເທດເຮົາໄລຍະໃໝ່ແມ່ນໄດ້ຄວາມສະຫງົບ, ໄດ້ພັດທະນາຢູ່ຮາກຖານ ແລະ ໄດ້ຮັບຮູ້ສະພາບຄວາມສະດວກ ບັນຫາທີ່ຫຍຸ້ງຍາກ ຂໍ້ສະເໜີກໍຄືຄວາມຕື່ນຕົວຂອງປະຊາຊົນ ແລະ ໄດ້ຫັນພະນັກງານລົງຮາກຖານກັບທີ່ຕິດພັນກັບວຽກດັ່ງກ່າວ ເພື່ອເຮັດໃຫ້ການປຸກລະດົມຂະບວນການຟົດ ຟື້ນຢູ່ບັນດາຮາກຖານເມືອງ ພະແນກການ ແລະ ອົງການລັດທຽບເທົ່ານັ້ນ ນວ ຕະຫລອດຮອດຫົວເໜີທຸລະກົດ ວິສາຫະກິດ ແລະ ປະຊາຊົນ ນວ ໄດ້ເຂົ້າຮ່ວມຂະບວນການແຂ່ງຂັນຮັກຊາດ ແລະ ພັດທະນາ ຕິດພັນກັບຂະບວນການຮັກ ນວ ຢ່າງເປັນຂະບວນຟົດຟື້ນ ໂດຍການຈັດຕັ້ງປະຕິບັດແມ່ນອີງໃສ່ເນື້ອໃນແຂ່ງຂັນ 4 ຄາດໝາຍຄື: ໃຫ້ໄວ, ໃຫ້ດີ, ໃຫ້ຫລາຍ ແລະ ໃຫ້ຖືກກົດໝາຍ.
ເຊິ່ງການຕີລາຄາປະເມີນຜົນແຂ່ງຂັນມີບຸກຄົນ ແລະ ກົມກອງລວມຫມູ່ດີເດັ່ນ ໃນການປະກອບສ່ວນ ຂະບວນການແຂ່ງຂັນຮັກຊາດ ພັດທະນາ ຕິດພັນກັບວຽກງານ ກໍ່ສ້າງຮາກຖານພັດທະນາ ຊົນນະບົດຮອບດ້ານ ລຶບລ້າງຄວາມທຸກຍາກ ແລະ ຊຸກຍູ້ວຽກງານ 3 ສ້າງ ຕາມຕົວເລກສະເໝີ ຍ້ອງຍໍ ປະເພດ ຕ່າງໆ ບັນດາພະແນກການອົງການທຽບເທົ່າຂັ້ນ ນວ ສັງລວມທັງຫມົດມີ 30 ພາກສ່ວນ ແລະ 9 ຄື: ສະເໜີຫລຽນໄຊພັດທະນາ ຈໍານວນລວມ 10 ເໜີ ປະກອບມີສະເໜີຫລຽນໄຊພັດທະນາ ຊັ້ນ I ຈໍານວນ 3 ທ່ານ 3 ກົມກອງ ສະເໜີຫລຽນໄຊພັດທະນາ ຊັ້ນ II ຈໍານວນ 1 ທ່ານ 1 ກົມ ກອງ ສະເໜີຫລຽນໄຊພັດທະນາ ຊັ້ນ II ຈໍານວນ 1 ທ່ານ 1 ກົມກອງ ຫລຽນໄຊແຮງງານ ແລະ ຫລຽນກາແຮງງານ ຈໍານວນລວມ 3.474 ເໜີ ຄື: ສະເຫມີຫລຽນໄຊແຮງງານຊັ້ນ I ຈໍານວນ 102 ທ່ານ 5 ກົມກອງ ຫລຽນໄຊແຮງງານຊັ້ນ II ຈໍານວນ 336 ທ່ານ, 21 ກົມກອງ 1 ບ້ານ ຫລຽນໄຊ ແຮງງານຊັ້ນ III ຈໍານວນ 919 ທ່ານ 58 ກົມກອງ 28 ບ້ານ 5 ຜູ້ປະກອບການ ແລະ ສະເໜີຫລຽນກາແຮງງານ 1.870 ທ່ານ 64 ກົມກອງ 46 ບ້ານ 19 ຜູ້ປະກອບການ ນອກນີ້ໃບຍ້ອງຍໍລັດຖະບານ 3.828 ທ່ານ 65 ກົມກອງ 134 ບ້ານ 11 ຄອບຄົວ ແລະ 8 ຜູ້ປະກອບການ,
ເພື່ອປຸກລະດົມເຕົ້າໂຮມ ກໍາລັງແຮງຂອງທຸກພາກສ່ວນຢູ່ໃນສັງຄົມເຊີດຊຸມຸນເຊື້ອຮັກຊາດ ມຄວາມພິລະອາດຫານ, ນໍ້າໃຈດຸໝັ່ນ, ປະຢັດ, ຊື່ສັດ ອົດທົນ ແລະ ປະດິດສ້າງເສີມຂະຫຍາຍ ເປັນເຈົ້າຂອງປະຊາຊົນບັນດາເຜົ່າ ແຂ່ງຂັນກັນປະຕິບັດສອງຫນ້າທີ່ຍຸດທະສາດຄື: ປົກປັກ ຮັກສາ ແລະ ສ້າງສາພັດທະນາປະເທດຊາດ ສູ້ຊົນປະຕິບັດຄາດໝາຍທີ່ພັກ ແລະ ລັດ ວາງອອກແຕ່ລະໄລຍະ ເປັນຕົ້ນ ການລືບລ້າງຄວາມທຸກຍາກ, ສ້າງບ້ານພັດທະນາ, ຫັນເປັນອຸດສາຫະກໍາ ແລະ ທັນສະໄໝ ເພື່ອປະເທດຊາດຫລຸດພົ້ນອອກຈາກຄວາມດ້ອຍພັດທະນາໃນປີ 2026.
