ພຣີເມຍລີກ ເລື່ອນ 2 ເກມໃຫຍ່ ເຊວຊີ-ລິເວີພູລ ແລະ ແມນຢູ-ລີດສ ເນື່ອງຈາກຂາດຕຳຫລວດຮັກສາຄວາມປອດໄພ
ການແຂ່ງຂັນເຕະບານ ພຣີເມຍລີກ ອັງກິດ ຈະກັບມາເຕະຄືນໃນທ້າຍອາທິດນີ້, ແຕ່ມີ 3 ເກມໄດ້ຖືກເລື່ອນອອກໄປ. ເນື່ອງຈາກຂາດເຂີນເຈົ້າໜ້າທີ່ຕຳຫລວດ ເພື່ອຮັກສາຄວາມປອດໄພ ບໍລິເວນອ້ອມຮອບສະໜາມ.
ອາທິດທີ່ຜ່ານມາ, ທຸກເກມ ພຣີເມຍລີກ ອັງກິດ ຖືກສັ່ງຍົກເລີກທັງໝົດຍ້ອນການເສຍຊີວິດຂອງ ພະລາຊິນີ ອາລິຊາເບສ ທີ 2, ທີ່ເກີດຂື້ນໃນວັນທີ 9 ກັນຍາ ທີ່ຜ່ານມາ ແລະ ປະຈຸບັນເຈົ້າຫນ້າທີ່ຕໍາຫລວດຈາກທຸກພາກສ່ວນ. ຢູ່ໃນລະຫວ່າງພາລະກິດທີ່ສໍາຄັນແມ່ນການກະກຽມພິທີງານສົບ. ທີ່ຈະມີຂຶ້ນໃນວັນທີ 19 ກັນຍານີ້.
ດ້ວຍການຂາດແຄນບຸກຄະລາກອນຕໍາຫລວດເພື່ອຮັກສາຄວາມປອດໄພໃນລະຫວ່າງການແຂ່ງຂັນ, ພຣີເມຍລີກ, ສະໂມສອນ ແລະ ບັນດາອົງການທີ່ກ່ຽວຂ້ອງທຸກຂະແໜງການ ໄດ້ປຶກສາຫາລືກັນຈົນໄດ້ຂໍ້ສະຫລຸບວ່າ ການແຂ່ງຂັນບານເຕະ ພຣີເມຍລີກ ຈະກັບມາເປັນປົກກະຕິໃນວັນທີ 16-18 ກັນຍານີ້, ແຕ່ຈະມີ 3 ນັດທີ່ຖືກໂຈະໄປກ່ອນ.
3 ເກມດັ່ງກ່າວມີ ໄບຣຕັນ v ຄຣິສຕັນ ພາເລດ ໃນວັນເສົາ 17 ກັນຍາ, ໄດ້ຖືກເລື່ອນອອກໄປຍ້ອນການປະທ້ວງຂອງພະນັກງານລົດໄຟອັງກິດກ່ຽວກັບບັນຫາເລື່ອງຄ່າຈ້າງ. ທີ່ເກີດຂຶ້ນຕັ້ງແຕ່ເດືອນມິຖຸນາ, ສ່ວນໃນວັນອາທິດທີ 18 ກັນຍາ 2 ນັດທີ່ເລື່ອນໄປແມ່ນນັດໃຫຍ່ລະຫວ່າງ ເຊວຊີ vs ລິເວີພູລ ແລະ ແມນເຊັສເຕີ ຢູໄນເຕັດ vs ລີດສ ຢູໄນເຕັດ ເນື່ອງເປັນເກມນັດໃຫຍ່. ຕ້ອງມີກຳລັງຕຳຫລວດຫລາຍຄົນໃຊ້ເພື່ອຮັກສາຄວາມປອດໄພ. ແຕ່ສະຖານະການທີ່ຂາດແຄນຕຳຫລວດ ເຮັດໃຫ້ເກມທັງສອງຖືກເລື່ອນໄປກ່ອນ.
ສ່ວນການແຂ່ງຂັນລະຫວ່າງ ເບຣນຟອດ ກັບ ອາເຊນອນ ໃນມື້ດຽວກັນ. ຈະຖືກຍ້າຍມາເຕະໄວຂຶ້ນໃນເວລາ 18.00 ໂມງ.
