ຈອນສັນ ຖອນຕົວກ໊ອຟ ເຊລຮຸສຕັນ ໂອເພນ

ດັສຕິນ ຈອນສັນ ນັກກິລາ ກ໊ອຟມືວາງອັນດັບ 1 ຂອງໂລກ ຊາວ ສະຫະລັດ ປະກາດຖອນຕົວ ບໍ່ລົງແຂ່ງຂັນກ໊ອຟ ພີຈີເອທົວ ລາຍການ ເຊລຮຸສຕັນ ໂອເພນ ເຊິ່ງເປັນທົວນາເມນສຸດທ້າຍ ກ່ອນເຖິງການແຂ່ງຂັນກ໊ອຟ ເດີ ມາສເຕີ ລາຍການເມເຈີທຳອິດ ຂອງ 2017 ທີ່ອໍກັສຕາ ໃນລະ ຫວ່າງວັນທີ 6-9 ເມສານີ້.

ຈອນສັນ ຫາກໍຄວ້າແຊ໊ມ ເວິລກ໊ອຟ ແຊ໊ມປຽນຊິບ ລາຍ ການ ເຕັກໂນໂລຊີ ແມດເພລ ໂອ ເພນ ໃນອາທິດຜ່ານມາ ເຊິ່ງກ່ອນ ໜ້ານີ້ລາວມີແຜນລົງແຂ່ງຂັນຕໍ່ ເນື່ອງ ແຕ່ປ່ຽນໃຈເນື່ອງຈາກຮູ້ ສືກວ່າສະພາບຮ່າງກາຍກຳລັງ ອ່ອນລ້າເພຍເກີນໄປ

“ຫລັງຈາກທົບທວນ ແລະ ປືກສາກັບທີມງານ ຂ້ອຍຕັດສິນ ໃຈຖອນຕົວຈາກ ເຊລ ຮຸສຕັນ ໂອເພນ ການຫລິ້ນມາ 7 ຮອບໃນ 5 ວັນຫລ້າສຸດ ຂ້ອຍຄິດວ່າມັນ ຄົງດີທີ່ສຸດທີ່ຈະພັກຜ່ອນກ່ອນເຖິງ ເດີ ມາສເຕີ” ຈອນສັນ ກ່າວ.