ມຽນມາ ຍົກເລີກການຂໍວີຊ່າໃຫ້ແກ່ 8 ປະເທດອາຊຽນ ເລີ່ມປະຕິບັດ 1 ກັນຍາ 2022 ນີ້
September 1, 2022 - 2:13 PM
ໃນວັນທີ 31 ສິງຫາ 2022 ນີ້ ກະຊວງການຕ່າງປະເທດມຽນມາ ໄດ້ກັບມາດຳເນີນນະໂຍບາຍອະນຸຍາດໃຫ້ພົນລະເມືອງ 8 ປະເທດສະມາຊິກອາຊຽນ ສາມາດເດີນທາງເຂົ້າປະເທດໂດຍບໍ່ຕ້ອງຂໍວີຊ່າອີກ.
ກະຊວງການຕ່າງປະເທດມຽນມາໃຫ້ຮູ້ວ່າ: ຜູ້ທີ່ໃຊ້ໜັງສືເດີນທາງ ດ້ານການທູດ, ລັດຖະການ ແລະ ໜັງສືເດີນທາງທົ່ວໄປ ຈາກປະເທດ ຟີລິບປິນ, ກຳປູເຈຍ, ໄທ, ສິງກະໂປ, ອິນໂດເນເຊຍ, ສປປ ລາວ, ຫວຽດນາມ ແລະ ບຣູໄນ ໄດ້ຮັບອະນຸຍາດໃຫ້ເດີນທາງເຂົ້າສູ່ປະເທດມຽນມາໂດຍບໍ່ຕ້ອງຂໍວີຊ່າ ເລີ່ມວັນ ທີ 1 ກັນຍານີ້. ນອກນີ້ ພົນລະເມືອງຈາກ 8 ປະເທດອາຊຽນ ທີ່ເດີນທາງເຂົ້າມາມຽນມາຕ້ອງປະຕິບັດຕາມລະບຽບການທີ່ໄດ້ລະບຸໄວ້ໃນສັນຍາ ແລະ ປະຕິບັດຕາມຂໍ້ແນະນຳດ້ານສຸຂະພາບທີ່ກະຊວງສາທາລະນະສຸກມຽນມາວາງອອກ
