ສະເປີ ເຊັນສັນຍາ ໂຣເມໂຣ ຮ່ວມທີມຢ່າງຖາວອນ 5 ປີ
August 30, 2022 - 9:56 PM
ສະເປີ ຈັດການຊື້ ຄຣິສຕຽນ ໂຣເມໂຣ ກອງຫລັງທີມຊາດອາເຈນຕີນາ 42,5 ລ້ານປອນ ມາຮ່ວມທີມຢ່າງຖາວອນແລ້ວ.
ທັອດແນມ ຮັອດສະເປີ ທີມດັງແຫ່ງພຣີເມຍລີກ ອັງກິດ ຈັດການຄວ້າຕົວ ຄຣິສຕຽນ ໂຣເມໂຣ ກອງຫລັງຊາວອາເຈນຕີນາ ມາຮ່ວມທີມຢ່າງຖາວອນຮຽບຮ້ອຍແລ້ວ ໂດຍຈັບເຊັນສັນຍາຍາວ 5 ປີ ຫລື ເຖິງປີ 2027.
ສື່ໃນອັງກິດລາຍງານວ່າ ສະເປີ ຕັດສິນໃຈຈ່າຍເງິນ 42,5 ລ້ານປອນ ຄວ້າ ໂຣເມໂຣ ມາຮ່ວມທີມ ຫລັງຈາກລາວສ້າງສຜົນງານໄດ້ຢ່າງໜ້າປະທັບໃຈມາຕະຫລອດ ນັບຕັ້ງແຕ່ຍ້າຍມາຈາກ ອາຕາລັນຕາ ດ້ວຍສັນຍາຢືມຕົວເມື່ອສິງຫາປີ 2021.
ທັງນີ້ ໂຣເມໂຣ ລົງສະໜາມໃຫ້ ສະເປີ ໄປ 30 ນັດ ລວມທຸກລາຍການ ໂດຍຍິງໄປ 1 ປະຕູ ໃນເກມຊະນະ ໄບຣຕັນ 2-0 ແລະ ລົງຫລິ້ິນໄປ 2 ນັດໃນລະດູການນີ້ ແຕ່ໜ້າຈະບໍ່ໄດ້ລົງຫລິ້ນໄປອີກດົນ ຫລັງໂຊກຮ້າຍໄດ້ຮັບບາດເຈັບກ້າມຊີ້ນ.