ຜູ້ປະສົບໄພນໍ້າຖ້ວມຢູ່ບ້ານລາດຊາງ ແລະ ບ້ານ ຫາດນາງ ເມືອງຂວາ ແຂວງຜົ້ງສາລີ ໄດ້ຮັບເຄື່ອງບັນເທົາທຸກ
ວັນທີ 28 ສີງຫາ 2022 ນິ້, ທ່ານພອນທະວີ ໄຊມົນຕີ ເຈົ້າເມືອງຂວາ ໄດ້ລົງຕິດຕາມສະພາບນໍ້າຖ້ວມ ຢູບ້ານລາດຊາງ, ບ້ານສິນໄຊ ແລະ ບ້ານ ຫາດນາງ ເມືອງຂວາ ແຂວງຜົ້ງສາລີ ແຂວງຜົ້ງສາລີ
ໃນໂອກາດທີ່ທ່ານເຈົ້າເມືອງໄດ້ຢືຢາມຖາມຂ່າວ ແລະ ໃຫ້ກຳລັງໃຈປະຊາຊົນບັນດາເຜົ່າກໍ່ຄືຄອບຄົວທີ່ປະສົບເຄາະຮ້າຍ ພ້ອມທັງລົງກວດກາຜົນກະທົບ ແລະ ປະເມີນຜົນເສຍຫາຍ ທີ່ໄພດັ່ງກ່າວໄດ້ເຮັດໃຫ້ຊີວິດ,ຊັບສິນ ຂອງປະຊາຊົນ ແລະ ພື້ນຖານໂຄ່ງລ່າງເສຍຫາຍຢ່າງໜັກໜ່ວງ.
ເພື່ອແກ້ໄຂສະພາບການສະເພາະໜ້າ ຫລາຍພາກສ່ວນເລັ່ງໃສ່ໃຫ້ການຊ່ວຍເຫຼືອແກ້ໄຂສຸກເສີນໃຫ້ປະຊາຊົນ ໂດຍສະເພາະ ທາງອົງການປົກຄອງເມືອງໄດ້ລະດົມກຳລັງຊາວໜຸ່ມ ກຳລັງປ້ອງກັນຊາດ-ປ້ອງ ກັນຄວາມສະຫງົບ,ສະມາຊິກກຳມະ ບານ,ສະມາຊິກສະຫະພັນເເມ່ຍິງ ແລະ ແຮງງານປະຊາຊົນບ້ານໃກ້ເຮືອນຄຽງລົງຊ່ວຍເຫຼືອຄອບຄົວທີ່ຖືກຜົນກະທົບໄພນໍ້າຖ້ວມເປັນຕົ້ນແມ່ນ:ເກັບມ້ຽນເຄື່ອງຂອງ,ອານະໄມ້,ເຮືອນຊານບ້ານຊອງຂອງປະຊາຊົນ ແລະ ພ້ວມເລັ່ງໃສ່ແກ້ໄຂເສັ້ນ ທາງ ຂອບເຂດບ້ານສິນໄຊ ທີ່ໄດ້ຮັບຜົນກະທົບຈາກໄພນໍ້າຖ້ວມ .
ທ່ານ ບຸນພະນິດ ແກ້ວຮຸ່ງ ຫົວໜ້າພະແນກ ໂຍທາທິການ ແລະ ຂົນສົ່ງ ມອບເງິນສົດ 5 ລ້ານ ກີບ, ທ່ານຄຳຊາຍ ສີສະຫວັດ ບໍລິການປໍ້ານໍ້າມັນ ມອບນໍ້າດື່ມ 5 ແພັກ,ເຂົ້າສານ ຈຳນວນໜື່ງ ລວມມູນຄ່າ 1 ລ້ານກີບ ,ນັກທຸລະກິດຊາວຫວຽດນາມ ມາດຳເນີນທຸລະກິດຢູ່ບ້ານລາດຊາງ ມອບເຄື່ອງນຸ່ງ 30 ຊຸດ ແລະ ເງີນຈຳນວນໜື່ງເພື່ອປະກອບສ່ວນຊ່ວຍເຫຼືອບັ້ນເທົ່າທຸກໃຫ້ບ້ານທີປະສົບໄພພິບັດ.
ທ່ານເຈົ້າເມືອງ ພ້ອມດ້ວຍຂະແໜງການທີ່ກ່ຽວຂ້ອງຂັ້ນເມືອງໄດ້ມອບເຄື່ອງໃຫ້ບ້ານຫາດນາງ ແລະ ບ້ານລາດຊາງ ເຊີ່ງເຄື່ອງທີ່ນຳມາມອບໃນຄັ້ງນິ້: ປະກອບມີ:ໝໍ້ແກ້ງ 78 ໜ່ວຍສາດປູ 78 ຜື້ນ,ຖ້ວຍ 237 ໜ່ວຍ,ຄຸ78 ໜ່ວຍ,ໝໍນື້ງ 78 ໜ່ວຍ,ບ່ວງ 40 ກັບ,ຜ້າຫົ່ມ 78 ພື້ນ ລວມມູນຄ່າທັງໝົດ 27 ລ້ານກວ່າກີບ.
