ຜູ້ສູງອາຍຸໃນເມືອງສົງຊີງ ປະເທດຈີນ ຖືຕັ່ງເຂົ້ານັ່ງຕາກແອຟຣີ ຢູ່ຕາມຮ້ານຊຸບເປີມາເກັດ ເຖິງພະນັກໃນຮ້ານເຊີນໃຫ້ອອກກໍບໍ່ຍອມອອກ.

ເມືອງສົງຊີງ ທາງຕາເວັນຕົກສຽງໃຕ້ຂອງຈີນຜະເຊີນກັບຄື້ນອາກາດຮ້ອນຮຸນແຮງທີ່ສຸດໃນຮອບ 60 ປີ,ເປັນເວລາ 1 ເດືອນກວ່າແລ້ວ ຫລັງເວລາ 19:00 ໂມງຂອງທຸກໆວັນທີ່ຜ່ານມາ ຈະມີຜູ້ສູງອາຍຸໃນເມືອງສົງຊີງ ຖືຕັ່ງເຂົ້ານັ່ງຕາກແອຟຣີ ຢູ່ຕາມຮ້ານຊຸບເປີມາເກັດ ເພື່ອໜີຄວາມຮ້ອນ ພາບວີດີໂອຂອງ South Chaina Morning Post ສະແດງໃຫ້ເຫັນຜູ້ສູງອາຍຸທີ່ນັ່ງໃນຊຸບເປີມາເກັດ ໂດຍຈະເຫັນຜູ້ສູງອາຍຸເຫລົ່ານັ້ນນັ່ງຢູ່ລ້າໆ ໂດຍບໍ່ມີການເລາະຊື້ເຄື່ອງແຕ່ຢ່າງໃດ. ຂະນະທີ່ເຈົ້າຂອງຮ້ານໄດ້ບອກໃນວີດີໂອວ່າເຖິງພະນັກງານໃນຮ້ານໄປເຊີນໃຫ້ອອກຈາກຮ້ານແຕ່ກໍບໍ່ໄດ້ຜົນ ແຖມມີບາງຄົນຍັງນອນຫລັບຢ່າງສະບາຍໃຈອີກດ້ວຍ.

ໃນຊ່ວງ 2 ເດືອນທີ່ຜານມາລັດຖະບານຈີນໄດ້ອອກມາປະກາດເຕືອນຄວາມຮ້ອນລະດັບສີແດງ ສຳລັບເມືອງ ແລະ ມົນທົນ ຢ່າງໜ້ອຍ 165 ເມືອງ ມີຜູ້ຄົນເປັນລ້ານທີ່ໄດ້ຮັບຜົນກະທົບຈາກອຸນຫະພູມຄວາມຮ້ອນ ແລະ ໄພແຫ້ງແລ້ງຮ້າຍແຮງ. ສະຖານີກວດຕິດຕາມລະດັບປະເທດ 200 ກວ່າແຫ່ງໄດ້ສັງເກດເຫັນລະດັບສູງສຸດເປັນປະຫວັດສາດ ໂດຍອຸນຫະພູມຈະສູງເຖິງ 45 ອົງສາ ໃນເມືອງເປ່ຍເປ່ຍ ສົງຊີງ ເຊິ່ງຄາດວ່າຄື້ນຄວາມຮ້ອນຮອບນີ້ຈະແກ່ຍາວຈົນເຖິງວັນທີ 26 ສິງຫານີ້ ເປັນຢ່າງໜ້ອຍ ຫລື ອາດຈະແກ່ຍາວອອກໄປຕື່ມ.