ນາຍົກ ຟິນແລນ ເຂົ້າກວດສອບຫາສານເສບຕິດ ຫລັງມີຄຣິບຫລຸດຈັດງານລ້ຽງສ້າງສັນ

ສຳນັກຂ່າວ The standard ລາຍງານໃຫ້ຮູ້ວ່າ: ໃນວັນທີ 19 ສິງຫາ 2022 ທ່ານ ນາງ ຊານນາ ມາຣິນ ນາຍົກລັດຖະມົນຕີຂອງຟິນແລນ ໄດ້ຮັບການກວດສອບຫາສານເສບຕິດ ຕາມຄຳຮຽກຮ້ອງຂອງຝ່າຍຄ້ານ ລວມທັງສະມາຊິກພັກຮ່ວມລັດຖະບານ ຫລັງຈາກມີຄລິບຫລຸດຂະນະທີ່ກຳລັງເຕັ້ນມ່ວນຊື່ນຢູ່ໃນງານລ້ຽງ.
ທ່ານ ນາງ ມາຣິນ ຢືນຢັນວ່າ ບໍ່ເຄີຍໃຊ້ສານເສບຕິດທີ່ຜິດກົດໝາຍ ແລະ ງານດັ່ງກ່າວໄດ້ຈັດຂຶ້ນເປັນສ່ວນຕົວ ໃນຂະນະທີ່ປະຊາຊົນຈໍານວນໜຶ່ງຕັ້ງຄໍາຖາມ ເຖິງພາບລັກ ແລະ ຄວາມເໝາະສົມໃນຖານະເປັນຜູ້ນໍາປະເທດ, ຫລັງຈາກຄລິບເຫດການດັ່ງກ່າວຖືກເຜີຍແຜ່ອອກໄປ ນາຍົກຟິນແລນກ່າວວ່າ: ເຫດການດັ່ງກ່າວບໍ່ໄດ້ກະທົບເຖິງຄວາມສາມາດໃນບໍລິຫານປະເທດ, ຍັງຕ້ອງການສືບຕໍ່ດຳລົງຕຳແໜ່ງນາຍົກລັດຖະມົນຕີຕໍ່ໄປ, ຕະຫລອດຫລາຍວັນທີ່ຜ່ານມາ ຂ້ອຍໄດ້ຮັບສຽງວິພາກວິຈານຢ່າງໜັກ ວ່າຂ້ອຍຢູ່ໃນພື້ນທີ່ ທີ່ມີການໃຊ້ສານເສບຕິດ ຫລື ມີຄົນກ່າວຫາຂ້ອຍວ່າຂ້ອຍໃຊ້ສານເສບຕິດ ຂ້ອຍພະຍາຍາມກວດສອບຕໍ່ຂໍ້ກ່າວຫາເຫລົ່ານັ້ນ ແລະ ຂ້ອຍຖືວ່າຂໍ້ກ່າວຫາມັນຮ້າຍແຮງຫລາຍ ແຕ່ເພື່ອການໄດ້ຮັບການຄຸ້ມຄອງຈາກກົດໝາຍ ແລະ ເພື່ອແກ້ໄຂຂໍ້ສົງໄສ ຂ້ອຍໄດ້ກວດຫາສານເສບຕິດແລ້ວ ເຊິ່ງຜົນຈະປາກົດອອກມາພາຍໃນໜຶ່ງອາທິດ. ທ່ານ ນາງ ມາຣິນ ນາຍົກລັດຖະມົນຕີ ຟິນແລນ ອາຍຸ 36 ປີ ເປັນຜູ້ນຳປະເທດທີ່ອາຍຸນ້ອຍທີ່ສຸດໃນໂລກ ໄດ້ຮັບຕຳແໜ່ງນາຍົກເມື່ອທ້າຍເດືອນທັນວາ 2019.