ກຳປູເຈຍ ຈະປັບຂຶ້ນຄ່າແຮງງານຂັ້ນຕ່ຳສຸດໃນພາກອຸດສາຫະກຳ

ສຳນັກ​ຂ່າວ​ຈາກ​ ຊິນ​ຮົວ ລາຍງານວັນ​ທີ15 ​ສິງຫາ​ 2022ນີ້ວ່າ: ຖະ​ແຫລງ​ການ ​ຂອງ​ຄະ​ນະ​ກຳ​ມະ​ການຄ່າ​ແຮງ​ງານ​ຂັ້ນ​ຕ່ຳ​ແຫ່ງ​ຊາດ ​ກຳ​ປູ​ເຈຍ (NCMW) ​ຈະ​ປຶກ​ສາ​ຫາ​ລື​ ການປັບ​ຂຶ້ນ​ຄ່າ​ແຮງ​ງານຂັ້ນຕ່ຳ​ສຸດ ລາຍ​ເດືອນ​ປະ​ຈໍາ​ປີ​​ໃຫ້​ແກ່​ພາກອຸດ​ສາ​ຫະ​ກຳຕັດຫຍິບ, ເກີບ​ໜັງ ແລະ ທ່ອງ​ທ່ຽວ ສຳລັບ​ ໃນ​ປີ 2023 ​ເນື່ອງ​ຈາກ​ເປັນ​ພາກອຸດສາຫະກຳທີ່​ສ້າງ​ລາຍ​ໄດ້​​ຫລັກເງິນຕາຕ່າງປະ​ເທດຂອງ​ກຳປູ​ເຈຍປະກອບ​ດ້ວຍ ​ໂຮງງານ​ໃຫຍ່ ​ແລະ ​ໂຮງງານ​ຍ່ອຍ ປະມານ 1.100 ​ແຫ່ງ ພ້ອມ​ດ້ວຍພະນັກງານປະມານ 750.000ຄົນ.

ປັດຈຸບັນ ​ກຳປູ​ເຈຍສົ່ງ​ອອກ​ພາກ​ອຸດສາຫະກຳເຫລົ່າ​ນີ້ຄິດ​ເປັນ ​ມູນ​ຄ່າ 6,6 ຕື້​ໂດ​ລາສະຫະລັດ ໃນ​ໄລຍະ 6​ເດືອນ ​ຕົ້ນປີ​ນີ້ີ້ ​ເພີ່ມ​ຂຶ້ນ40% ຈາກ​ໄລຍະດຽວ​ກັນ.

ຂະນະ​ທີ່ຄ່າ​ແຮງ​ງານ​ຂັ້ນຕ່ຳ​ລາຍ​ເດືອນຂອງ​ພາກ​ອຸດສາຫະກຳ​ດັ່ງກ່າວ 194 ​ໂດ​ລາ​ສະຫະລັດ ​ໃນ​ປີ2022 ​ເພີ່ມ​ຂຶ້ນ 192 ​ໂດ​ລາ​ ສະຫະລັດ ​ໃນ​ປີ2021.

ຢ່າງ​ໃດ​ກໍ່​ຕາມບັນດາ​ລູກຈ້າງຍັງ​ໄດ້​ຮັບສະຫວັດດີ​ການອື່ນໆ​ອີກເປັນຕົ້ນ ​ເງິນ​ຄ່າ​ເດີນທາງ ​ແລະ ຄ່າ​ພັກ 7 ​ໂດ​ລາ ​ສະຫະລັດ ​ແລະ ​ເງິນ​ພິ​ເສດ (​ໂບນັດ) ​ເຮັດ​ວຽກ​ດຸໝັ່ນປະຈຳ​​ເດືອນອີກ 10​ໂດ​ລາ​ ສະຫະລັດ​.

ຂ່າວ: ຂປລ