ສື່ເປີດເຜີຍ ເອັມບັບເປ-ເນມາ ແຕກຫັກ, ເປແອສເຊ ຮຽກປະຊຸມແກ້ບັນຫາ

ສື່ລາຍງານ ຄີລຽນ ເອັມບັບເປ ແລະ ເນມາ 2 ກອງໜ້າຊຸບເປີສະຕາ ປາຣີສ ແຊັງ ແຊັກແມັງ ມີບັນຫາຂັດແຍ້ງກັນໃນຂະນະທີ່ ດ້ານສະໂມສອນກຽມຮຽກປະຊຸມເພື່ອແກ້ບັນຫາຄາໃຈ.

ກ່ອນຫນ້ານີ້ ມີລາຍງານຈາກ ປໍທັລ ບຣາຊິລ ວ່າ ເອັມບັບເປ ແລະ ເນມາ ເປີດເສິກກັນໃນຫ້ອງແຕ່ງຕົວ ຫລັງເກມທີ່ ເປແອສເຊ ຖະຫລົ່ມ ມົງເປລລີເຢ 5-2 ໃນການແຂ່ງຂັນລີກເອິງ ຝຣັ່ງ ເມື່ອວັນທີ 13 ສິງຫາ.

ໂດຍສາເຫດເກີດຈາກການທີ່ກອງໜ້າທີມຊາດບຣາຊິລບໍ່ຍອມໃຫ້ກອງໜ້າທີມຊາດຝຣັ່ງ ຍິງລູກໂທດອີກ 1 ລູກ ເພື່ອກ່ອນໜ້ານີ້ ເອັມບັບເປ ຮັບໜ້າທີ່ສັງຫານໄປແລ້ວ 1 ໜ່ວຍແຕ່ຍິງບໍ່ເຂົ້າ.

ນອກຈາກນັ້ນມີລາຍງານເພີ່ມອີກວ່າການມີບັນຫາຂອງທັງຄູ່ນັ້ນຮຸນແຮງເຖິງຂັ້ນມີການໃຊ້ຫົວຕຳກັນ ສົ່ງຜົນໃຫ້ຫມູ່ຮ່ວມທີມ ຕ້ອງເຂົ້າມາຫ້າມທີມ ແລະ ຫລັງຈາກນັ້ນ ເອັມບັບເປ ໄດ້ສະແດງທ່າທີທີ່ຈະແຈ້ງວ່າຕ້ອງການໃຫ້ ເນມາ ຍ້າຍອອກຈາກ ທີມໃນຕະຫລາດລະດູການນີ້.

ຈົນຫລ້າສຸດ ເລິກິບ ສື່ຊື່ດັງຂອງຝຣັ່ງ ລະບຸວ່າ : ເປແອສເຊ ວາງແຜນທີ່ຈະຮຽກນັກເຕະທັງ 2 ລາຍເຂົ້າມາແກ້ບັນຫາທີ່ເປີດ ຂຶ້ນໃນໄວໆນີ້ ເພື່ອໃຫ້ທີມເດີນຫນ້າຕໍ່ໄປໄດ້.