ຫວຽດນາມກຽມສະເໜີແຜນ ລົດໄຟຄວາມໄວສູງ 1.545 ກິໂລແມັດ ມູນຄ່າ 58.700 ລ້ານໂດລາ
ກະຊວງຄົມມະນາຄົມຫວຽດນາມເຜີຍຄວາມຄືບໜ້າໂຄງການລົດໄຟຄວາມໄວສູງ ກຽມຍື່ນສະເໜີໂຄງການໃນເດືອນໜ້າ, ຄາດວ່າເລີ່ມນຳໃຊ້ໄດ້ປີ 2032.
ສຳນັກຂ່າວຣອຍເຕີລາຍງານວ່າ: ໃນວັນທີ 14 ສິງຫາ 2022, ກະຊວງຄົມມະນາຄົມຂອງຫວຽດນາມໄດ້ຖະແຫລງເຖິງຄວາມຄືບໜ້າໂຄງການກໍ່ສ້າງລະບົບລົດໄຟຄວາມໄວສູງ ໂດຍຈະຍື່ນສະເໜີໂຄງການຕໍ່ຄະນະກຳມະການການເມືອງ ຂອງພັກກອມມູນິດຫວຽດນາມ ໃນເດືອນກັນຍາຈະເຖິງນີ້.
ສຳລັບໂຄງການລົດໄຟຄວາມໄວສູງຂອງຫວຽດນາມ ໃນໄລຍະທຳອິດຈະແບ່ງເປັນ 2 ເສັ້ນທາງຫລັກ ໄດ້ແກ່ ຮ່າໂນ້ຍ-ວິງ ທາງຫວຽດນາມເໜືອ ແລະ ຢາຈາງ-ໂຮ່ຈີມິງ ທາງຫວຽດນາມໃຕ້ ໄລຍະທາງທັງໝົດ 665 ກິໂລແມັດ ໃຊ້ງົບປະມານ 24.720 ລ້ານໂດລາ ຄາດວ່າຈະເລີ່ມເປີດໃຫ້ບໍລິການໄດ້ບາງສ່ວນໃນປີ 2032.
ແຕ່ສຳລັບແຜນທີ່ຈະສະເໜີນີ້ ຈະເປັນການລວມທຸກເສັ້ນເຂົ້ານຳກັນໝົດໂຄງການ ໄລຍະທາງ 1.545 ກິໂລແມັດ ມູນຄ່າທັງໝົດ 58.700 ລ້ານໂດລາ ຄາດວ່າຈະສຳເລັດທັງໝົດລະຫວ່າງປີ 2045-2050.
ລັດຖະບານຫວຽດນາມຫວັງວ່າຈະໃຊ້ເປັນໂຄງລ່າງພື້ນຖານເພື່ອຮອງຮັບການເຕີບໃຫຍ່ທາງເສດຖະກິດທີ່ວ່ອງໄວຂອງປະເທດ.
ອ້າງອີງ:
https://www.reuters.com/…/vietnam-considers-587…/
https://e.vnexpress.net/…/pm-requests-japan-s…
