ລາລີກາ ລະງັບລົງທະບຽນນັກເຕະໃຫມ່ ບາເຊໂລນາ ຫລັງບໍ່ຜ່ານການກວດສອບທາງການເງິນ

ລີລີກາ ແຈ້ງຢຸດຕິການລົງທະບຽນນັກເຕະໃຫມ່ຂອງບາເຊໂລນາ ຫລັງຈາກຍັງບໍ່ຜ່ານການກວດສອບທາງການເງິນນັ້ນເອງ.

ລາລີກາ ແຈ້ງລະງັບການລົງທະບຽນນັກເຕະໃຫມ່ທີ່ເຮັດການຊື້ຂາຍຄວ້າຕົວໃນລະດູການນີ້ຂອງ ບາເຊໂລນາ ທີມດັງແຫ່ງ ລາລີກາ ສະເປນ ພາຍໃຕ້ການນຳທີມຂອງ ຊາບີ ເອີນານເດສ ຜູ້ຈັດການທີມຊາວສະເປນ ຫລັງຈາກຍັງບໍ່ຜ່ານການກວດສອບສະຖານະທາງ ການເງິນນັ້ນເອງ ເຖິງວ່າສະໂມສອນຈະໃຊ້ຄັນໂຍກທາງເສດຖະກິດມາແລ້ວເຖິງ 3 ຄັ້ງ.

ເປັນທີ່ເຂົ້າໃຈກັນວ່າການໃຊ້ຄັນໂຍກທາງເສດຖະກິດມາແລ້ວເຖິງ 3 ຄັ້ງດັ່ງກ່າວຂອງຍອດທີມແຫ່ງຖິ່ນຄຳນູ ປະກອບໄປດ້ວຍ ແບ່ງເປັນການຂາຍສ່ວນແບ່ງຄ່າລິຂະສິດການຖ່າຍທອດສົດໃນອະນາຄົດ 2 ຄັ້ງ ແລະ ການຂາຍຫຸ້ນບາເຊໂລນາ ສະຕູດີໂອ ບໍລິສັດລູກຂອງສະໂມສອນອອກໄປ 24,5% ໄປກ່ອນໜ້ານີ້ແລ້ວກໍຕາມ ແຕ່ຍັງບໍ່ພຽງພໍຈະເຮັດໃຫ້ພວກເຂົາສາ ມາດລົງທະ ບຽນຜູ້ໃຫມ່ໃນລະດູການນີ້ໄດ້ ນັ້ນເຮັດໃຫ້ພວກເຂົາອາດຕ້ອງຍອມປັບຄັນໂຍກທາງເສດຖະກິດຄັ້ງທີ 4 ເພື່ອແກ້ໄຂສະຖາສະ ການດັ່ງກ່າວ.

ສຳລັບບາເຊໂລນາ ຄວ້ານັກເຕະໃຫມ່ມາຮ່ວມທີມ 5 ລາຍ ປະກອບໄປດ້ວຍ ອັນດຣຽສ ຄຣິສເຕນເຊັນ (ເຊລຊີ), ຟຣອງ ເຄສຊີ (ເອຊີ ມິລານ), ໂຣເບີດ ເລວານດອບສະກີ (ບາເຢິນ ມິວນິກ), ຣາຟິນຢາ (ລິດ ຢູໄນເຕັດ) ແລະ ຢູລ ກຸນເດ (ເຊບີຢາ) ນອກຈາກ ນີ້ຍັງລວມເຖິງ ອຸສມານ ເດມເບເລ ທີ່ນັກເຕະເກ່ົາທີ່ຫມົດສັນຍາ ແລະ ຫາກໍຕໍ່ສັນຍາໃຫມ່ກໍຖືກນັບລວມຢູ່ໃນກຸ່ມນີ້ເຊັ່ນດຽວກັນ.