ເຊລຊີ ເອົາແທ້ ເດີນຫນ້າທາບທາບ ແຟຣັງກີ ເດິ ຢອງ ເສີມແດນກາງ

ສື່ຊື່ດັງລາຍງານວ່າ ເຊລຊີ ພວມເຈລະຈາໂດຍກົງກັບ ບາເຊໂລນາ ເພື່ອເຊັນສັນຍາ ແຟຣັງກີ ເດິ ຢອງ ກອງກາງທີມຊາດເນເທີແລນມາຮ່ວມທີມ.

ສຳລັບ ເດິ ຢອງ ຄືເປົ້າຫມາຍສຳຄັນໃນການເສີມທີມຂອງ ແມນເຊສເຕີ ຢູໄນເຕັດ ທີ່ມີ ເອຣິກ ເທນ ຮາກ ຄຸມທີມໃນຕະຫລາດນັກເຕະຫນ້າຮ້ອນນີ້ ແລະມີລາຍງານວ່າ ແມນເຊສເຕີ ຢູໄນເຕັດ ສາມາດບັນລຸຂໍ້ຕົກ ລົງເລື່ອງຄ່າຕົວກັບບາເຊໂລນາ ໄດ້ແລ້ວທີ່ 85 ລ້ານຢູໂຣ.

ແນວໃດກໍຕາມການຊື້ຂາຍດັ່ງກ່າວຍັງບໍ່ມີຄວາມຄືບຫນ້າ ເນື່ອງຈາກນັກເຕະອາຍຸ 25 ປີບໍ່ຢາກຍ້າຍອອກຈາກຖິ່ນ ຄຳນູ ນອກຈາກນັ້ນຍັງມີເລື່ອງທີ່ ບາເຊໂລນາ ຄ້າງຄ່າເມື່ອຍຂອງລາວຢູ່ທີ່ 20,3 ລ້ານຢູໂຣ.

ໃນຂະນະດຽວກັນ ເຊລຊີ ເປັນອີກຫນຶ່ງສະໂມສອນທີ່ໃຫ້ຄວາມສົນໃຈ ເດິ ຢອງ ເຊັ່ນດຽວກັນ ແຕ່ຍັງບໍ່ມີການຍື່ນຂໍ້ສະເຫນີໃຫ້ ກັບບາເຊໂລນາ ຢ່າງເປັນທາງການ.

‘‘ ພວກເຂົາພວມເຈລະຈາກັບບາເຊໂລນາ ກ່ຽວກັບນັກເຕະອາຍຸ 25 ປີລາຍນີ້ ແລະ ເບິ່ງໃນແງ່ດີທີ່ຈະເຮັດຂໍ້ຕົກລົງໄດ້ ກ່ອນຫນ້ານີ້ ແມນຢູ ບັນລຸຂໍ້ຕົກລົງລະຫວ່າງສະໂມສອນສຳລັບ ເດິ ຢອງ ດ້ວຍຄ່າຕົວ 85 ລ້ານຢູໂຣ ແຕ່ນັກເຕະຍັງບໍ່ໄດ້ຕັດສິນໃຈ ’’ ອອນສະຕີນ ລະບຸ.