ແຟນບານແມນຢູ ນັດລວມຕົວປະທ້ວງໄລ່ຕະກູລ ເກລເຊີ ເກມເປີດລະດູການພົບ ໄບຣຕັນ
ແຟນບານ ແມນເຊສເຕີ ຢູໄນເຕັດ ນັດລວມຕົວປະທ້ວງຕະກູລ ເກລເຊີ ເຈົ້າຂອງທີມກ່ອນນັດພຣີເມຍລີກ ລະດູການ 2022-23 ນັດເປີດສະຫນາມກັບ ໄບຣຕັນ ວັນທີ 7 ສິງຫານີ້.
ສຳລັບຕະກູລເກລເຊີ ໄດ້ຮັບການຕໍ່ຕ້ານຈາກແຟນບານຂອງແມນຢູ ມາຢ່າງຍາວນານ ເຊິ່ງໃນລະດູການຜ່ານມາກໍມີການ ລວມຕົວປະທ້ວງເພື່ອໄລ່ເຈົ້າຂອງທີມຊາວອາເມລິກາທີ່ບໍ່ໄດ້ສົນໃຈທີມເທົ່າທີ່ຄວນ ແລະ ສະແຫວງຫາແຕ່ກຳໄລຫລາຍກວ່າ.
ຈົນຫລ້າສຸດກຸ່ມແຟນບານທີ່ຊື່ວ່າ ‘‘ The 1958 ’’ ໄດ້ໂພສຜ່ານທະວິດເຕີໃນການນັດລວມຕົວປະທ້ວງຕະກູນເກລເຊີກ່ອນ ເກມພຣີເມຍລີກ ລະດູການ 2022-23 ນັດເປີດສະຫນາມທີ່ ແມນຢູ ຈະເປີດໂອນ ແທຣ໊ຟຟອດ ພົບກັບ ໄບຣຕັນ ວັນທີ 7 ສິງຫານີ້.
ໂດຍລາຍລະອຽດການປະທ້ວງນັ້ນ ກຸ່ມຂັບໄລ່ດັ່ງກ່າວ ຈະນັດກອງເຊຍມາລວມຕົວທີ່ ຊັລຟອດ ເຄວສ ໃນເວລາ 12:00 ຕາມເວລາທ້ອງຖິ່ນ ຫລື 18:00 (ເວລາປະເທດລາວ) ເຊິ່ງເປັນ 2 ຊົ່ວໂມກ່ອນທີ່ເກມກັບໄບຣຕັນ ຈາກນັ້ນກໍຈະເດີນ ປະທ້ວງໄປເຖິງຫນ້າສະຫນາມ ໂອນ ແທຣ໊ຟຟອດ ຕໍ່ໄປ.
