ຄິດສໂຕເຟີ ໂຄລຳບັດ ອອກເດີນເຮືອຖ້ຽວທຳອິດເພື່ອຄົ້ນຫາ ອິນເດຍ ແລະ ຈີນ

ວັນທີ 3 ສິງຫາ 1493 ຄິດສໂຕເຟີ ໂຄລຳບັດ(Christopher Columbus)ນັກສຳຫລວດຊາວເຈນົວ (ອິຕາລີ) ເລີ່ມອອກເດີນເຮືອຖ້ຽວທຳອິດເພື່ອຄົ້ນຫາອິນເດຍ ແລະ ຈີນ ໂດຍມີລູກເຮືອ 90 ຄົນກັບເຮືອ 3 ລຳໄດ້ແກ່ “ຊານຕາ ມາເລຍ” (Santa Maria), “ພິນຕາ” (Pinta), “ຊາຕາ ຄຣາລາ”(Santa Clara) ໂດຍໄດ້ຮັບການສະໜັບສະໜູນຈາກກະສັດສະເປນຄື “ພະເຈົ້າເຟີດິນານ ທີ 2”(Ferdinand II of Aragon)ແລະ “ພະນາງອິດຊາເບວລາ ທີ 1” (Isabella of Castile) ອອກຈາກທ່າເຮືອເມືອງເປລູຊ (Palos) ປະເທດສະເປນ ແລ່ນເຮືອໄປທາງທິດຕາເວັນຕົກຂ້າມມະຫາສະໝຸດແອດແລນຕິກໄປເຖິງເກາະບາຮາມາ (The Bahamas)ໝູ່ເກາະໃນມະຫາສະໝຸດແອດແລນຕິກ ທາງຕາເວັນອອກຂອງອາເມລິກາ ເມື່ອວັນທີ 12 ຕຸລາ 1493 ໂດຍທີ່ໂຄລຳບັດຄິດວ່ານີ້ເປັນສ່ວນໜຶ່ງຂອງທະວີບອາຊີ ຈາກນັ້ນກໍ່ໄດ້ເດີນເຮືອໄປຈົນເຖິງຄິວບາ ຮິສປານິໂອລາ ເປີໂຕລິໂກ ຈາເມກາ ຕຣິນິແດດ ເວເນົາຊຸເອລາ ແລະ ຄໍຄອດປານາມາ ໂຄລຳບັດເຊື່ອມາຕະຫລອດຊີວິດວ່າ ເກາະບາຮາມາ ທີ່ເຂົາຄົ້ນພົບນັ້ນຄືທະວີບອາຊີ ແຕ່ແທ້ຈິງແລ້ວເປັນພຽງໝູ່ເກາະທາງຕາເວັນອອກຂອງທະວີບອາເມລິກາ ພາຍຫລັງຈຶ່ງມີການກຳນົດໃຫ້ວັນທີ 12 ຕຸລາຂອງທຸກໆປີເປັນວັນທີ່ໂຄລຳບັດເຖິງອາເມລິກາເປັນວັນຂອງ “ໂຄລຳບັດ” ມີການສະເຫລີມສະຫລອງກັນໃນອາເມລິກາ ແລະ ປະເທດຕ່າງໆໃນທະວີບອາເມລິກາໃຕ້ ໃນອະດີດເຄີຍເຊື່ອກັນວ່າ ໂຄລຳບັດເປັນຊາວຢູໂລບຄົນທຳອິດທີ່ຄົ້ນພົບອາເມລິກາ ແຕ່ແທ້ຈິງແລ້ວ ເລບ ເອລິດສັນ (Leaf Erikson) ຊາວໄວກິ້ງເຄີຍເດີນທາງມາພົບທະວີບອາເມລິກາກ່ອນໜ້ານີ້ ແລະ ເຄີຍມີນິຄົມຊາວໄວກິ້ງທາງຕາເວັນອອກຂອງການາດາໃນສັດຕະວັດທີ XI