ທະນາຄານໂລກ ປະຕິເສດທີ່ຈະໜຸນເງິນຊ່ວຍໃຫ້ ສີລັງກາ ຕື່ມອີກ

ວັນທີ 29 ກໍລະກົດ 2022 ຜ່ານມານີ້, ທະນາຄານໂລກປະກາດວ່າຈະບໍ່ໜູນເງິນຊ່ວຍໃຫ້ ສີລັງກາ ຕື່ມອີກ ຖ້າຫາກບໍ່ມີການປັບໂຄງສ້າງການເງິນທີ່ແນ່ນອນ ພ້ອມທັງສະແດງຄວາມເປັນຫ່ວງວ່າຈະສ້າງຜົນກະທົບຢ່າງຮ້າຍແຮງຕໍ່ປະຊາຊົນ ສີລັງກາ ແຕ່ບໍ່ທັນພ້ອມທີ່ຈະໜູນເງິນໃຫ້ລັດຖະບານສີລັງກາ ໃນຂະນະນີ້ ຖ້າຫາກບໍ່ມີການປະຕິຮູບທີ່ແນ່ນອນສາກ່ອນ.

ທະນາຄານໂລກໃຫ້ຮູ້ຕື່ມອີກວ່າ: ຜ່ານມາໄດ້ໃຫ້ ສີລັງກາ ຢືມໄປແລ້ວ 160 ລ້ານໂດລາ ເພື່ອຊື້ຢາປົວພະຍາດ, ນໍ້າມັນເຊື້ອໄຟ ແລະ ຊື້ອາຫານໃຫ້ເດັກນັກຮຽນ.

ອີງຕາມຂໍ້ມູນຂອງອົງການ CPI ປະກາດເມື່ອວັນທີ 29 ກໍລະກົດຜ່ານມາວ່າ ເງິນ ຣູປີ ຂອງ ສີລັງກາ ເຟີ້ເພີ່ມສູງຂຶ້ນເຖິງ 60,7% ໃນເດືອນກໍລະກົດນີ້ ແລະ ເປັນສະຖິຕິສູງສຸດໃນຮອບ10 ເດືອນທີ່ຜ່ານມາ.

ໂຄງການອາຫານໂລກຂອງສະຫະປະຊາຊາດໄດ້ມີການຄິດໄລ່ວ່າ 6 ຄອບຄົວໃດໃນ ສີລັງກາ ແມ່ນມີ 5 ຄອບຄົວທີ່ຕ້ອງໄດ້ຊື້ອາຫານການກິນທີ່ບໍ່ໄດ້ຄຸນນະພາບ, ກິນໜ້ອຍລົງ ແລະ ກິນຄາບ ອົດຄາບ.