ເຈົ້າໜ້າທີ່ຊີ້ແຈງຕື່ມ ເຫດການຈັບກຸມຄົນຮ້າຍຢູ່ເສັ້ນທາງຫ້ວຍຫົງ-ດອນແດງ

ວັນທີ 25 ກໍລະກົດ 2022 ນີ້ ໜັງສືພິມຄວາມສະຫງົບ ລາຍງານຂ່າວກຽວກັບການຈັບກຸມຄົນຮ້າຍ ເມື່ອາທິດຜ່ານມານີ້ວ່າ: ເຈົ້າໜ້າທີ່ ປກສ ເມືອງຈັນ ທະບູລີ ນະຄອນຫຼວງວຽງຈັນ ສົມ ທົບກັບພາກສ່ວນກ່ຽວຂ້ອງນໍາກໍາລັງເຂົ້າຈັບເປົ້າໝາຍອັນຕະລາຍ ຊື່ ທ້າວ ປຸ່ມປຸ້ຍ ອາຍຸ 32 ປີ, ຢູ່ບ້ານ ດົງກະເລົາ ເມືອງສີໂຄດຕະບອງ ນະຄອນຫຼວງວຽງຈັນ ທີ່ນອນຢູ່ ໃນລົດເກງ ພ້ອມປືນສັ້ນ 2 ກະ ບອກ, ຢາເສບຕິດ ແລະ ເຄື່ອງຂອງ ກາງອີກຈຳນວນໜຶ່ງ.

ເຈົ້າໜ້າທີ່ ປກສ ເມືອງຈັນ ທະບູລີ ນະຄອນຫຼວງວຽງຈັນ ໃຫ້ ຂໍ້ມູນວ່າ: ໃນວັນທີ 22 ກໍລະກົດ 2022 ເວລາ 9:00 ໂມງ ເຈົ້າໜ້າ ທີ່ ປກສ ເມືອງຈັນທະບູລີ ນະ ຄອນຫຼວງວຽງຈັນ ໄດ້ຮັບແຈ້ງທາງ ໂທລະສັບ ຈາກພົນລະເມືອງດີວ່າ ມີຜູ້ຊາຍນອນຢູ່ໃນລົດເກງຮອນ ດາ ໝາຍເລກທະບຽນ ກວ 2971 ກໍາແພງນະຄອນ ມາຈອດຢູ່ເຂດ ເສັ້ນທາງບ້ານໜອງທາເໜືອ ເມືອງ ຈັນທະບູລີ ແຕ່ປະມານ 4:00 ໂມງ; ພາຍຫຼັງຮັບແຈ້ງຄວາມເຈົ້າ ໜ້າທີ່ ປກສ ເມືອງຈັນທະບູລີ ລົງ ກວດກາສະຖານທີ່ຕົວຈິງພົບເຫັນ ຜູ້ຊາຍນອນຢູ່ໃນລົດ ພ້ອມປືນສັ້ນ 2 ກະບອກ ແລະ ຫໍ່ຄ້າຍຄືຢາເສບ ຕິດ 1 ຫໍ່. ຈາກນັ້ນ ເຈົ້າໜ້າທີ່ຈິ່ງໃຊ້ ລົດໃຫຍ່ຕັນໜ້າ ແລະ ຫຼັງລົດເປົ້າ ໝາຍ ພ້ອມທັງໃສ່ກະແຈລັອກລໍ້ ລົດ, ຕໍ່ມາເວລາປະມານ 9:30 ໂມງ ປກສ ເມືອງຈັນທະບູລີ ຈຶ່ງປະ ສານຫາກອງພັນເຄື່ອນທີ່ ເພື່ອຮັບ ປະກັນທາງດ້ານວິຊາສະເພາະ.

ໃນຂະນະທີ່ເຈົ້າໜ້າທີ່ວາງແຜນເຂົ້າຈັບຕົວຕາມຫຼັກການວິຊາສະ ເພາະເປົ້າໝາຍຕື່ນຈາກນອນແລ້ວ ບໍ່ໃຫ້ການຮ່ວມມືໃນການຈັບກຸມ ຜູ້ກ່ຽວຍັງຝ່າຝືນຂັບລົດຖອຍຫຼັງ ໄປ-ມາ ເຮັດໃຫ້ກະແຈຫຼຸດອອກ ຈາກຕີນລົດ, ເຈົ້າໜ້າທີ່ຈຶ່ງໄດ້ໃຊ້ ປືນຍິງຕິນລົດ ທັງ 4 ຕີນ. ຈາກນັ້ນ, ຜູ້ກ່ຽວໄດ້ຂັບລົດໄປທາງບ້ານດົງ ປ່າແຫຼບ ເມືອງຈັນທະບູລີ ພ້ອມ ທັງຂັບລົດໄປດາດເອົາລົດປະຊາ ຊົນ, ຜູ້ກ່ຽວ ຍັງຂັບລົດຕໍາໃສ່ຂອບ ທາງ ແລະ ຕໍາໃສ່ລົດຕູ້ທີ່ຈອດຢູ່ ແຄມທາງ, ແຕ່ຜູ້ກ່ຽວຍັງບໍ່ໃຫ້ການ ຮ່ວມມືເຈົ້າໜ້າທີ່ຈຶ່ງໄດ້ຍິງປືນສະ ກັດເຮັດໃຫ້ລູກປືນຖືກເປົ້າໝາຍ 1 ລູກ ( ບໍ່ເຂົ້າເລິກ ) ຕໍ່ມາຜູ້ກ່ຽວ ຈຶ່ງຍອມມອບຕົວໃຫ້ເຈົ້າໜ້າທີ່ ຈັບກຸມ.

ຜ່ານການກວດກາເປົ້າໝາຍ ແລະ ລົດ ພົບປືນສັ້ນ 2 ກະບອກ, ພ້ອມລູກປືນ 10 ລູກ, ມີຢາເສບ ຕິດ ປະເພດຢາບ້າ ຈໍານວນ 3 ມັດ (ມັດລະ 2.000 ເມັດ) ແລະ 24 ເມັດ ເທົ່າກັບ 6.024 ເມັດ, ເງິນ 169.000 ບາດ ແລະ 7.582.000 ກີບ, ສາຍຄໍສີເຫຼືອງຄ້າຍຄໍາ 1 ເສັ້ນ ( ບໍ່ຮູ້ນໍ້າໜັກ ) ຈາກນັ້ນ, ເຈົ້າໜ້າທີ່ ໄປນໍາຕົວຜູ້ກ່ຽວເອົາລູກປືນອອກ ທີ່ໂຮງໝໍ 5 ເມສາ ແລະ ສືບຕໍ່ດໍາ ເນີນຄະດີຕາມກົດໝາຍ.