ເອີໂຣບ ປະເຊີນຄື່ນອົບພະຍົບໜີໄພອຶດຫິວ
ວັນທີ 12 ກໍລະກົດ 2022 ນີ້, ອົງການປ້ອງກັນຊາຍແດນ ແລະ ແຄມຝັ່ງທະເລ ຂອງເອີໂຣບ ໄດ້ກ່າວເຕືອນເຖິງວິກິດການດ້ານທັນຍາຫານທີ່ຮ້າຍແຮງ ອັນເນື່ອງຈາກສົງຄາມລະຫວ່າງລັດເຊຍ ແລະ ຢູເຄຣນ ຊຶ່ງພາໃຫ້ເກີດຄື່ນອົບພະຍົບລີ້ໄພຄັ້ງໃຫ່ຍໃນເອີໂຣບ.
ທ່ານ Aija Kalnaja ຜູ້ອຳນວນການຊົ່ວຄາວຂອງອົງການປ້ອງກັນຊາຍແດນ ແລະ ແຄມຝັ່ງທະເບຂອງ ເອີໂຣບ ກ່າວໃນວັນດຽວກັນນີ້ວ່າ: “ໃນຂະນະທີ່ມີການເບິ່ງແຍງຊາວອົບພະຍົບຈາກ ຢູເຄຣນ ແລ້ວ, ພວກເຮົາຍັງໄດ້ກະກຽມຮັບມືຊາວອົບພະຍົບມາຈາກຂົງເຂດອື່ນຫຼັ່ງໄຫຼເຂົ້າມາໃນ ເອີໂຣບ ຕື່ມອີກ ເນື່ອງຈາກວ່າບໍ່ມີຄວາມໝັ້ນຄົງທາງດ້ານທັນຍາຫານ ”
ຢູເຄຣນ ເປັນປະເທດສົ່ງອອກເຂົ້າປາອາຫານລາຍໃຫຍ່ທີ່ສຸດຂອງໂລກ ແຕ່ການຜະລິດ ແລະ ການເຄື່ອນຍ້າຍສົ່ງອອກມີຄວາມຫຍຸ້ງຍາກ ອັນເນື່ອງຈາກ ເກີດສົງຄາມ ກັບ ລັດເຊຍ. ຂະນະນີ້ຍັງມີເຂົ້າປະມານ 20 ລ້ານໂຕນຄ້າງຢູ່ໃນທ່າເຮືອທະເລດຳຂອງ ຢູເຄຣນ.
ສະຖານະການດັ່ງກ່າວໄດ້ເຮັດໃຫ້ລາຄາເຂົ້າປາອາຫານໃນຕະຫລາດໂລກພຸ້ງສູງຂຶ້ນ, ໃນນັ້ນຢູ່ທະວີບ ອາຟຣິກກາ ແລະ ຕາເວັນອອກກາງ ໄດ້ຮັບຜົນກະທົບຮ້າຍແຮງກວ່າໝູ່.
ທ່ານ Filippo Grandi ຜູ້ອຳນວຍການຂ້າຫລວງໃຫ່ຍກ່ຽວກັບ ຊາວອົບພະຍົບຂອງອົງການສະຫະປະຊາຊາດ, ໃນລະຫວ່າງເດືອນມີຖຸນາຜ່ານມາກໍໄດ້ກ່າວເຕືອນເຖິງວິກິດການດ້ານທັນຍາຫານວ່າ: ຖ້າຫາກບໍ່ໄດ້ຮັບການແກ້ໄຂຢ່າງໄວວາ, ຈຳນວນຜູ້ອົບພະຍົບໃນທົ່ວໂລກຈະພຸ້ງສູງຂຶ້ນເຖິງ 100 ລ້ານຄົນ.
