ອີກຫນຶ່ງຂໍ້ບັງຄັບ ເຕະບານໂລກ 2022 ປົດເຄື່ອງດື່ມທາດເຫລົ້າທຸກສະໜາມ

ສື່ລາຍງານວ່າ ຜູ້ຈັດການແຂ່ງຂັນເຕະບານໂລກ 2022 ຖືກກຳນົດໃຫ້ປົດເຄື່ອງດື່ມທາດເຫລົ້າໃນສະຫນາມ ໂດຍອະນຸຍາດ ໃຫ້ຈຳໜ່າຍນອກສະຫນາມໃນໄລຍະກ່ອນ ແລະ ຫລັງເກມເທົ່ານັ້ນ.

ໂດຍການແຂ່ງຂັນເຕະບານໂລກ 2022 ເປັນຄັ້ງທຳອິດທີ່ຈັດຂຶ້ນທີ່ປະເທດກາຕາ ເຊິ່ງປະຊາກອນສ່ວນຫລາຍເປັນຊາວມຸສລິມ ເຮັດໃຫ້ມີການເຄັ່ງຄັດເລື່ອງການຄວບຄຸມເລື່ອງເຄື່ອງດື່ມແອລກໍຮໍ ແລະ ການບໍລິໂພກເຄື່ອງດື່ມແອລກໍຮໍ ເຊິ່ງຖືເປັນສິ່ງຜິດ ກົດຫມາຍ.

ຈົນຫລ້າສຸດ ‘‘ ເດລີ ເມລ’’ ສື່ອັງກິດລາຍງານໂດຍອ້າງອີງຈາກແຫລ່ງຂ່າວວ່າ ເຕະບານໂລກຄັ້ງນີ້ຈະຫ້າມນຳເຄື່ອງດື່ມແອລກໍຮໍເຂົ້າ ສະຫນາມ ຈົນກວ່າຈະມີການຈຳໜ່າຍໃນໄລຍະກ່ອນການແຂ່ງຂັນ ແລະ ຫລັງການແຂ່ງຂັນ ເຊິ່ງຄາດວ່າຈະຢູ່ໃນສ່ວນຂອງເຂດ ແຟນບານເທົ່ານັ້ນ.

‘‘ ແຜນສຳລັບທຸກສະຫນາມຍັງຄົງຕ້ອງລໍຖ້າບົດສະຫລຸບອີກເທື່ອຫນຶ່ງ ແຕ່ການອະພິປາຍໃນປັດຈຸບັນຄືອະນຸຍາດໃຫ້ແຟນໆ ດື່ມເບຍເມື່ອມາເຖິງ ແລະ ເມື່ອອອກຈາກສະຫນາມກິລາ ແຕ່ຈະບໍ່ຂາຍເບຍລະຫວ່າງການແຂ່ງຂັນ ຫລືໃນສ່ວນຂອງສະຫນາມ ’’ ແຫລ່ງຂ່າວລະບຸ.

ທັງນີ້ ເຕະບານໂລກ 2022 ຈະຈັດຂຶ້ນໃນລະຫວ່າງວັນທີ 21 ພະຈິກ – 18 ທັນວາ ມີອີກຫລາຍຂໍ້ບັງຄັບເພື່ອປ້ອງກັນການຜິດກົດ ຫມາຍຂອງກາຕາ ເຊ່ັນ : ຄວາມສຳພັນທາງເພດແບບຊົ່ວຂ້າມຄືນ ແລະການຈັດງານສັງສັນຫລັງຈົບເກມ ເປັນຕົ້ນ.