ທ່ານ ຊິນໂຊ ອາເບະ ອະດີດນາຍົກລັດຖະມົນຕີຍີ່ປຸ່ນ ຖືກຍິງລະຫວ່າງຊ່ວຍຫາສຽງ

ເວັບໄຊ NHK ສື່ຍີ່ປຸ່ນລາຍງານວ່າ: ທ່ານ ຊິນໂຊ ອາເບະ ອະດີດນາຍົກລັດຖະມົນຕີຍີ່ປຸ່ນ ປະສົບເຫດລົ້ມລົງລະຫວ່າງຊ່ວຍຫາສຽງຢູ່ເມືອງນາຣາຂອງຍີ່ປຸ່ນ ໂດຍຄາດວ່າທ່ານອາດຈະຖືກຍິງ ເນື່ອງຈາກຂະນະເກີດເຫດມີສຽງດັງຄືປືນດັງຂຶ້ນພ້ອມກັນ.

ສື່ຍີ່ປຸ່ນລາຍງານວ່າ: ອະດີດຜູ້ນຳຍີ່ປຸ່ນຍັງຫາຍໃຈ. ເຖິງຢ່າງໃດກໍຕາມ, ລາຍງານຂອງເວັບໄຊ NHK ອ້າງໜ່ວຍງານກູ້ໄພລະບຸວ່າ: ເວລາເຂົ້າໃຫ້ການຊ່ວຍເຫລືອບໍ່ພົບສັນຍານຊີບ, ເຊັ່ນດຽວກັບສຳນັກຂ່າວ Kyoto News ທີ່ລະບຸວ່າ: ອະດີດນາຍົກລັດຖະມົນຕີ ອາເບະ ບໍ່ຮູ້ສຶກຕົວ ແລະ ອາດເກີດພາວະຫົວໃຈຢຸດເຕັ້ນ.

ລາຍງານລະບຸວ່າ: ຕຳຫລວດສາມາດຈັບຜູ້ກໍ່ເຫດໄດ້ແລ້ວ.

ອ້າງອີງ:

https://www3.nhk.or.jp/nhkworld/en/news/20220708_19/

https://www.reuters.com/…/japan-ex-prime-minister-abe…/