ສີລັງກາ ຂາດແຄນນ້ຳມັນເຊື້ອໄຟລະດັບຮ້າຍແຮງທີ່ສຸດ ກ້າວເຂົ້າສູ່ພາວະລົ້ມລະລາຍຢ່າງສົມບູນ
ຂ່າວຈາກ dailynews,ສີລັງກາ ລາຍງານວັນທີ 26 ມິຖຸນາ 2022 ຜ່ານມານີ້ວ່າ: ສີລັງກາ ພວມຂາດແຄນ ນ້ຳມັນເຊື້ອໄຂັ້ນຮ້າຍແຮງຫລັງຈາກກະຊວງ ພະລັງງານສີລັງກາອອກແຈ້ງການດ່ວນ ໃນວັນທີ25 ມິຖຸນາ ເລື່ອງກຳປັ່ນຂົນສົ່ງນ້ຳມັນຫລາຍລຳ ບໍ່ໄດ້ເດີນທາງມາທຽບທ່າຕາມກຳນົດໂດຍບໍ່ແຈ້ງເຫດຜົນຢ່າງຈະແຈ້ງ.
ຂະນະທີ່ກຳປັ່ນລຳລຽງນ້ຳມັນເຊື້ອໄຟອີກຫລາຍລຳປະຕິເສດຈອດທຽບທ່າດ້ວຍເຫດຜົນກ່ຽວກັບສະຖານະການທາງເງິນຂອງສີລັງກາບໍລິສັດ Ceylon Petroleum Corporation ລັດວິສາຫະກິດດ້ານນ້ຳມັນເຊື້ອໄຟຂອງສີລັງກາຍັງບໍ່ສາມາດຄາດການໄດ້ວ່າຈະໄດ້ຮັບນ້ຳມັນເຊື້ອໄຟໃໝ່ ຫລື ບໍ່ ແລະ ເມື່ອໃດ ໂດຍບໍລລິສັດ Ceylon Petroleum Corporation ຈຳເປັນຕ້ອງໂຈະການນດຳເນີນຂອງໂຮງກັ່ນທີ່ມີຢູ່ແຫ່ງດຽວເປັນການຊົ່ວຄາວທັງທີ່ມີ ການດຳເນີນການຮອບຫລ້າສຸດ ເມື່ອຕົ້ນເດືອນນີ້ ໂດຍໃຊ້ນ້ຳມັນດິບ 90.000ໂຕນຂອງຣັດເຊຍຊື້ຜ່ານນາຍໜ້າທີ່ນະຄອນນດູໄບໃນສະຫະນະຄອນ ເອເມເຣັດ ອາຣັບ ແລະ ບໍລິສັດ ດັ່ງກ່າວຍັງມີໜີ້ຄ້າງຈ່າຍຫລາຍກວ່າ700 ລ້ານໂດລາສະຫະລັດ.
ທ່ານ Ranil Wickremesinghe,ນາຍົກລັດຖະມົນຕີ ສີລັງກາຖະແຫລງແບບກົງໄປກົງມາ ເມື່ອບໍ່ດົນມານີ້ວ່າ: ເສດຖະກິດຂອງປະເທດພວມກ້າວເຂົ້າສູ່ສະພາວະລົ້ມລະລາຍຢ່າງສົມບູນ ເນື່ອງຈາກບໍ່ມີງົບປະມານນຳເຂົ້ານ້ຳມັນເຊື້ອໄຟ ແລະ ອາຫານ ໃຫ້ພຽງພໍກັບຄວາມຕ້ອງການຂອງປະຊາກອນພາຍໃນປະເທດເກືອບ 22 ລ້ານຄົນ.
