ຮອງນາຍົກລັດຖະມົນຕີ ເນັ້ນ ອຄ ພັດທະນາອຸດສາຫະກຳ ແລະ ການຜະລິດເປັນສິນຄ້າ

ທ່ານ ກິແກ້ວ ໄຂຄໍາພິທູນ ກ່າວໃນໂອກາດເຂົ້າຮ່ວມພິທີມອບ-ຮັບໜ້າທີ່ລະຫ່ວາງທ່ານ ຄຳແພງ ໄຊສົມແພງ ລັດຖະມົນຕີກະຊວງອຸດສາຫະກຳ ແລະ ການຄ້າ ຜູ້ເກົ່າ ແລະ ທ່ານ ມະໄລທອງ ກົມມະສິດ ລັດ ຖະມົນຕີກະຊວງອຸດສາຫະກຳ ແລະ ການຄ້າ ຜູ້ໃໝ່ໃນວັນທີ 23 ມິຖຸນາ 2022 ວ່າ: ການບູລະນະການ ຈັດຕັ້ງ, ການສັບຊ້ອນພະນັກງານແມ່ນກົດເກນພາວະວິໄສແຫ່ງການຄົງຕົວ ແລະ ຂະຫຍາຍຕົວຂອງພັກ- ລັດ ທຸກໆການຈັດຕັ້ງລ້ວນແຕ່ເຄື່ອນເໜັງ, ປັບປຸງໄປຕາມແຕ່ລະໄລຍະ ແລະ ໜ້າທີ່ການເມືອງຂອງການປະຕິວັດ, ພະນັກງານກໍສັບຊ້ອນຕາມຄວາມຮຽກຮ້ອງຕ້ອງການຂອງໜ້າທີ່ວຽກງານໃຫ້ແທດເໝາະກັບຄຸນ ສົມບັດ, ລະດັບຄວາມຮູ້-ຄວາມສາມາດ ແລະ ປະສົບການຕົວຈິງ ເພື່ອເຮັດສໍາເລັດໜ້າທີ່ໃນສະເພາະໜ້າ ແລະ ຍາວນານ. ພ້ອມນີ້ ຈົ່ງສືບຕໍ່ຊີ້ນໍາ-ນໍາພາວຽກງານໃຫ້ມີບາດກ້າວໃໝ່ ໂດຍຮຽກຮ້ອງພະນັກງານສະ ມາຊິກພັກ ແລະ ພະນັກງານຫລັກແຫລ່ງເອົາໃຈໃສ່ປະຕິບັດວຽກງານວິຊາສະເພາະພ້ອມໃຈກັນຈັດຕັ້ງປະ ຕິບັດພາລະບົດບາດ, ສິດ, ໜ້າທີ່ເພື່ອພ້ອມກັນແກ້ໄຂບັນຫາຕ່າງໆທີ່ເກີດຂຶ້ນ ແລະ ຜ່ານບັນຫາຫຍຸ້ງຍາກໄປພ້ອມກັນ.

ຮອງນາຍົກລັດຖະມົນຕີ ເນັ້ນວ່າ: ຢາກເຮັດໄດ້ແນວນັ້ນ, ຕ້ອງເອົາໃຈໃສ່ສືບຕໍ່ຈັດຕັ້ງປະຕິບັດແຜນພັດ ທະນາອຸດສາຫະກຳ ແລະ ການຄ້າຕາມມະຕິກອງປະຊຸມໃຫຍ່ຄັ້ງທີ 5 ຂອງອົງຄະນະພັກກະຊວງວາງ ອອກເປັນຕົ້ນ ການເຊື່ອມໂຍງ ແລະ ເຊື່ອມຈອດເສດຖະກິດກັບພາກພື້ນ ແລະ ສາກົນ, ພັດທະນາອຸດສາ ຫະກຳ ແລະ ການຜະລິດເປັນສິນຄ້າຕິດພັນກັບຕະຫລາດ, ສ້າງສະພາບແວດລ້ອມທີ່ອຳນວຍ ແລະ ສ້າງ ຄວາມເຂັ້ມແຂງໃຫ້ແກ່ພາກທຸລະກິດ, ສົ່ງເສີມ ແລະ ພັດທະນາການຄ້າໃຫ້ກ້າວທັນສະພາບການໃໝ່,ເອົາ ໃຈໃສ່ເພີ່ມປະສິດທິພາບການຄຸ້ມຄອງມະຫາພາກ ແລະ ການແບ່ງຂັ້ນຄຸ້ມຄອງກັບທ້ອງຖິ່ນ, ສືບຕໍ່ນຳພາ-ຊີ້ນຳປະຕິບັດບັນດານິຕິກຳຂອງລັດຖະບານເຊັ່ນ: ການຄຸ້ມຄອງທຸລະກິດໄມ້, ການຄຸ້ມຄອງທຸລະກິດນໍ້າມັນເຊື້ອໄຟ, ການຄຸ້ມຄອງການນຳເຂົ້າ-ສົ່ງອອກ, ການຄຸ້ມຄອງໂຮງງານ, ການຄຸ້ມຄອງເຄມີ, ການປົກປ້ອງຜູ້ຊົມໃຊ້, ການຄຸ້ມຄອງລາຄາສິນຄ້າ ແລະ ຄ່າບໍລິການ, ການກວດກາການຄ້າ, ການສົ່ງເສີມ SME ພ້ອມດ້ວຍກອງທຶນ, ການສົ່ງເສີມການຜະລິດເປັນສິນຄ້າ, ການສ້າງສະພາບລ້ອມໃຫ້ແກ່ການສ້າງຕັ້ງແລະ ດຳເນີນທຸລະກິດຕິດພັນກັບການສ້າງບັນຍາກາດໃຫ້ແກ່ການດຶງດູດການລົງທຶນ, ການຄຸ້ມຄອງເຂດ ແລະ ນິຄົມອຸດສາຫະກຳ, ການປະຕິຮູບລັດວິສາຫະກິດທີ່ຂຶ້ນກັບກະຊວງ ແລະ ການການເຊື່ອມໂຍງເສດຖະກິດກັບພາກພື້ນ ແລະ ສາກົນໃຫ້ເປັນຮູບປະທໍາ.