ສານກິລາໂລກ ສັ່ງລົງໂທດອະດີດປະທານຍົກນ້ຳໜັກນາໆຊາດຕະຫລອດຊີວິດ

ສານກິລາໂລກປະກາດບົດລົງໂທດ ອະດີດປະທານສະຫະພັນຍົກນ້ຳໜັກນາໆຊາດ ຖືກຫ້າມຕະຫລອດຊີວິດ ຫລັງພົບວ່າມີ ຄວາມຜິດທາງການເງິນ ແລະ ແຊກແຊງຂະບວນການກວດສານຕ້ອງຫ້າມ.

ສານອະນຸຢາໂຕຕຸລາການກິລາ ຫລື ສານກິລາໂລກ ປະກາດບົດລົງໂທດ ທາມາສ ອາຈານ ອະີດປະທານສະຫະພັນຍົກນ້ຳຫນັກ ນາໆຊາດ ຫ້າມຫຍຸ້ງກ່ຽວກັບວົງການກິລາຍົກນ້ຳຫນັກຕະຫລອດຊີວິດ ຫລັງພົບວ່າມີຄວາມຜິດສໍ້ໂກງທາງການເງິນ ແລະ ແຊກແຊງຂະບວນການກວດສານຕ້ອງຫ້າມ ໂດຍຄຳສັ່ງດັ່ງກ່າວມີຜົນຕັ້ງແຕ່ວັນທີ 16 ມິຖຸນາ 2022.

ຄະນະກຳມະການອິສະລະ (ITA) ຂອງສະຫະພັນຍົກນ້ຳຫນັກນາໆຊາດເຂົ້າມາກວດສອບເລື່ອງດັ່ງກ່າວ ຫລັງຈາກປະເດັນສານຕ້ອງ ຫ້າມໃນນັກກິລາ ຖືກສື່ມວນຊົນນຳໄປເຜີຍແຜ່ອອກອາກາດທາງໂທລະພາບ ARD ຂອງເຢຍລະມັນ ກ່ຽວກັບການໃຊ້ສານຕ້ອງ ຫ້າມທີ່ຍັງບໍ່ໄດ້ຮັບການແກ້ໄຂເກືອບ 150 ຄະດີດ ໃນລະຫວ່າງ 2009-2019 ແລະ ມີອີກ 29 ຄະດີ ທີ່ຍັງບໍ່ຖືກດຳເນີນຄະດີ.

ວິໂທລ ບັນກ້າ ປະທານອົງການຕໍ່ຕ້ານການໃຊ້ສານຕ້ອງຫ້າມໂລກ (WADA) ກ່າວວ່າ : ພວກເຮົາຈະຍັງເຮັດວຽກກັບຄະ ນະກຳມະການອິດສະລະ ແລະໜ່ວຍງານອື່ນໆ ລວມເຖິງການບັງຄັບໃຊ້ໃຊ້ກົດ ໝາຍເພື່ອເປີດເຜີຍຄວາມຈິງ ທີ່ຖືກປົດປິດໄວ້ເປັນເວລາດົນ.

ເມື່ອປີ 2017 ຄະນະກຳມະການໂອລິມປິກສາກົນ ເຄີຍເຕື່ອນວ່າ ຈະຕັດກິລາຍົກນ້ຳຫນັກອອກຈາກໂອລິມປິກ ປາຣີສ 2024 ຫາກບໍ່ມີການແກ້ໄຂມາດຕະການປ້ອງກັນການໃຊ້ສານກະຕຸ້ນຢ່າງເປັນຮູບປະທຳ.