ຄຣິສຕຽນ ອີຣິກເຊັນ ປະຕິເສດຂໍ້ສະເໜີຍ້າຍທີມຮ່ວມ ແມນເຊສເຕີ ຢູໄນເຕັດ ລະດູການໜ້າ

ສື່ອັງກິດ ລາຍງານວ່າ ຄຣິສຕຽນ ອີຣິກເຊັນ ກອງກາງຂອງສະໂມສອນ ເບຣນຟອດ ປະຕິເສດຂໍ້ສະເຫນີໃນການຍ້າຍໄປຢູ່ກັບ ແມນເຊສເຕີ ຢູໄນເຕັດ ເນື່ອງຈາກລາວຕ້ອງການຢູ່ໃນນະຄອນຫລວງລອນດອນຕໍ່ໄປ.

ກ່ອນຫນ້ານີ້ The Athletic  ລາຍງານວ່າ ແມນເຊສເຕີ ຢູໄນເຕັດ ສະແດງຄວາມສົນໃຈທີ່ຈະດຶງ ອີຣິກເຊນ ມາຮ່ວມທີມແບບ ບໍ່ມີຄ່າຕົວ ຫລັງດາວເຕະທີມຊາດເດນມາກພວມຈະຫມົດສັນຍາກັບ ເບຣນຟອດ ໃນຫມົດເດືອນນີ້ ແລະ ຍື່ນຂໍ້ສະເຫນີໃຫ້ພິຈາລະນາແລ້ວ.

ແນວໃດກໍຕາມນອກຈາກ ແມນຢູ ແລ້ວ ຍັງມີອີກຫລາຍສະໂມສອນ ທັງ ທັອດແນມ ຮັອດສະເປີ ລວມເຖິງ ເບຣນຟອດ ຢາກດຶງນັກເຕະອາຍຸ 30 ປີຢູ່ກັບທີມໃນລະດູການ.

ຫລ້າສຸດ The Gardian ລາຍງານວ່າ ອີຣິກເຊນ ປະຕິເສດໂອກາດທີ່ຈະຍ້າຍໄປຢູ່ໃນຖິ່ນ ໂອນ ແທຣບຟອດ ເນື່ອງຈາກລາວຢາກ ຢູ່ໃນນະຄອນຫລວງລອນດອນຕໍ່ໄປ.

ສຳລັບ ອີຣິກເຊນ ກັບມາຫລິ້ນໃນພຣີເມຍລີກອີກເທື່ອຫນຶ່ງກັບ ເບຣນຟອດ ໃນເດືອນມັງກອນທີ່ຜ່ານມາດ້ວຍສັນຍາ 6 ເດືອນ ຫລັງລາວມີບັນຫາຫົວໃຈຫລົ່ມ ຈົນຕ້ອງຮ້າງສະຫນາມໄປກວ່າ 8 ເດືອນ.