ທາງລົດໄຟ ຈີນ-ລາວ ກຽມຮັບພະນັກງານຊາວລາວຊ່ວຍຂັບລົດໄຟ

ວັນທີ 20 ມິຖຸນາ 2022, ສຳນັກຂ່າວຊິນຮົວລາຍງານວ່າ: ທາງລົດໄຟ ຈີນ-ລາວ ກຽມຈັດສັນພະນັກງານຂັບລົດໄຟຊາວລາວກຸ່ມທຳອິດເຂົ້າປະຈຳການ ຫລັງພະນັກງານຝຶກຫັດຊາວລາວທັງໝົດ 66 ຄົນ ຜ່ານການທົດສອບເປັນພະນັກງານຂັບລົດໄຟຜູ້ຊ່ວຍເມື່ອວັນທີ 18 ມິຖຸນາຜ່ານມາ.

ບໍລິສັດ ທາງລົດໄຟ ລາວ-ຈີນ ຈຳກັດ (LCRC) Buy Anabolic Steroids ເຊິ່ງຮັບຜິດຊອບການດຳເນີນງານຂອງທາງລົດໄຟ ຈີນ-ລາວ ເບື້ອງທີ່ແລ່ນໃນລາວ ໄດ້ເລັ່ງການພັດທະນາບຸກຄະລາກອນທີ່ມີຄວາມສາມາດໃນທ້ອງຖິ່ນນັບແຕ່ເລີ່ມເປີດນຳໃຊ້ທາງລົດໄຟໃນເດືອນທັນວາປີຜ່ານມາ.

ໃນວັນທີ 19 ມິຖຸນາ, ບໍລິສັດເປີດເຜີຍວ່າ: ບັນດາພະນັກງານຝຶກຫັດຊາວລາວ ເຊິ່ງຜ່ານການສຶກສາທິດສະດີ ແລະ ການຝຶກງານແບບຕົວຈິງນຳລົດໄຟ ໄດ້ເກັບກຳຄວາມຮູ້ທີ່ກ່ຽວຂ້ອງ ແລະ ປະສົບການຂັບລົດໄຟຫລວງຫລາຍ, ພະນັກງານຝຶກຫັດຊາວລາວ​ 66 ຄົນ ໄດ້ຝຶກອົບຮົມເຂັ້ມງວດປະມານເຄິ່ງປີ ແລະ ເຂົ້າປະຈຳການໃນລົດລາງໄຟຟ້າ (EMU), ລົດໄຟໂດຍສານ ແລະ ລົດໄຟສິນຄ້າ ລວມທັງຫົວລົດຈັກທາງວິສະວະກຳພິເສດເປັນໄລຍະທາງ 10.000 ກວ່າກິໂລແມັດ.

ທັງນີ້, ບໍລິສັດ ເຊິ່ງເປັນກິດຈະການຮ່ວມຄ້າໃນນະຄອນຫລວງວຽງຈັນຂອງລາວ ລະບຸວ່າ: ພະນັກງານຂັບລົດໄຟຜູ້ຊ່ວຍຊາວລາວຈຳນວນ 66 ຄົນ ຈະເຂົ້າເຮັດວຽກຮ່ວມກັບພະນັກງານຂັບລົດໄຟຊາວຈີນໃນຂັ້ນທຳອິດ ກ່ອນຈະເຮັດວຽກຢ່າງອິດສະຫລະດ້ວຍຕົນເອງໃນອະນາຄົດ.

ອ້າງອີງ:

https://www.xinhuathai.com/inter/289802_20220620