ມີປະຊາກອນປະມານ 50% ໃນໂລກພວມຮັບມືກັບຜົນຮ້າຍຈາກການເສື່ອມສະພາບເນື້ອທີ່ດິນ
ຂ່າວສານຊີອາໄອລາຍງານໃຫ້ຮູ້ວ່າ: ທ່ານ ອັນໂຕນີໂອ ກູເຕີເລັສ ເລຂາທິການໃຫຍ່ແຫ່ງອົງການ ສປຊ ໄດ້ກ່າວສະແດງຄວາມຄິດເຫັນໃນມື້ດຽວກັນ ໂດຍຮຽກຮ້ອງໃຫ້ປະຊາຄົມໂລກໃຊ້ການເຄື່ອນໄຫວຫຼາຍກວ່າເກົ່າ ເພື່ອປ່ຽນແປງທ່າອ່ຽງການເສື່ອມລົງຂອງທີ່ດິນ.
ວັນທີ 17 ມິຖຸນາ 2022 ຜ່ານມາ ແມ່ນວັນປ້ອງກັນການຫັນເປັນທະເລຊາຍ ແລະ ປ້ອງກັນຄວາມແຫ້ງແລ້ງຂອງໂລກ.
ທ່ານ ກູເຕີເລັສ ກ່າວວ່າ: ມີປະຊາກອນປະມານ 50% ໃນໂລກພວມຮັບມືກັບຜົນຮ້າຍຍ້ອນຫຼັງຈາກການເສື່ອມລົງຂອງເນື້ອທີ່ດິນ ຊຶ່ງເກືອບທຸກເຂດແຄ້ວນຂອງໂລກເກີດມີໄພແຫ້ງແລ້ງນັບມື້ນັບຫຼາຍຂຶ້ນ ແລະ ຮຸນແຮງຂຶ້ນ ສະພາບການພາຍຸຊາຍ, ໄຟໄໝ້ປ່າ, ຜົນເກັບກ່ຽວທັນຍາຫານມີໜ້ອຍ, ບໍ່ມີບ່ອນຢູ່ອາໄສ ແລະ ການປະທະກັນໄດ້ເພີ່ມຂຶ້ນເລື້ອຍໆ ຊຶ່ງເຮັດໃຫ້ຫຼາຍຮ້ອຍລ້ານຄົນໄດ້ຮັບຜົນເສຍຫາຍ.
ທ່ານ ກູເຕີເລັສ ກ່າວຕື່ມວ່າ: ບັນຫາຄວາມແຫ້ງແລ້ງມີປັດໃຈຍ້ອນການປ່ຽນແປງຂອງດິນຟ້າອາກາດ ແຕ່ກໍມີການພົວພັນກັບວິທີການຄຸ້ມຄອງທີ່ດິນຂອງມວນມະນຸດ. ດັ່ງນັ້ນ, ມວນມະນຸດສາມາດ ທັງຕ້ອງຕ່າວປີ້ນທ່າອ່ຽງເນື້ອທີ່ດິນເສື່ອມລົງຢ່າງບໍ່ຢຸດຢັ້ງ.
