ແຟນບານອິນໂດເນເຊຍ ຖືກຢຽບເສຍຊີວິດ 2 ຄົນ ໃນເກມອຸ່ນເຄື່ອງກ່ອນເປີດລະດູການ 2022
ຄວາມເຄື່ອນໄຫວການແຂ່ງຂັນບານເຕະອຸ່ນເຄື່ອງກ່ອນເປີດລະດູການ 2022 ລາຍການເພຣສຊີເດັນ ຄັບ ໃນປະເທດອິນໂດນີເຊຍ ລະຫວ່າງ ເປີຊິບ ບັນດຸງ ຮອງແຊ໊ມລີກ ພົບກັບ ເປີເຊບາຢາ ສຸຣາບາຢາ ທີ່ສະຫນາມ ເກໂລຣາ ບັນດຸງ ເລົາຕານ ອາປີ ທີ່ມີຄວາມ ບັນຈຸສະຫນາມ 38,000 ບ່ອນນັ່ງ ໂດຍເກມນີ້ກັບມາເປີດໃຫ້ແຟນບານເຂົ້າຊົມໄດ້ຕາມປົກກະຕິອີກເທື່ອຫນຶ່ງ ຫລັງກ່ອນຫນ້ານີ້ ເກືອບ 3 ປີ ໃຊ້ລະບົບການແຂ່ງຂັນແບບປິດ ເພາະມີການແພ່ລະບາດຂອງເຊື້ອໄວຣັສ ໂຄວິດ-19.
ໂດຍເກມດັ່ງກ່າວໄດ້ຮັບຄວາມສົນໃຈຈາກແຟນບານທັງສອງທີມເປັນຈຳນວນຫລາຍ ຈົນມີຜູ້ຊົມແຫ່ເຂົ້າໄປເບິ່ງໃນສະຫນາມຢ່າງ ຫນາແຫນ້ນ ຈົນມີລາຍງານຈາກຕຳຫລວດທີ່ເຫັນເຫດການເປີດເຜີຍວ່າ ແຟນບານ 2 ຄົນຂອງທີມ ເປີຊິບ ບັນດຸງ ຖືກຢຽບລະ ຫວ່າງຍາດກັນເຂົ້າສະຫນາມກັບແຟນບານຄົນອື່ນໆ ເພື່ອເຂົ້າມາໃນສັງວຽນແຂ່ງຂັນ ຈົນຫາຍໃຈບໍ່ອອກ ເຊິ່ງມີການປະຖົມພະຍາ ບານເບື້ອງຕົ້ນແລ້ວ ຈາກນັ້ນໄດ້ນຳທັງສອງຄົນສົ່ງໂຮງຫມໍໃນເມືອງບັນດຸງ ແຕ່ສຸດທ້າຍຫມໍບໍ່ສາມາດກູ້ຊີວິດໄວ້ໄດ້ທັນທັງຄູ່.
ແນວໃດກໍຕາມຕ້ອງຖ້າຄຳຊີ້ແຈງຢ່າງເປັນທາງການຈາກຝ່າຍຈັດການແຂ່ງຂັນ ຕຳຫລວດ ແລະ ທີມງານທີ່ກ່ຽວຂ້ອງທີ່ພວມ ວາງແຜນ ແລະ ຈະອອກຖະແຫລງການອີກເທື່ອຫນຶ່ງ.
