ກິ່ນອາຍທຳມະຊາດ ແລະ ວັດທະນະທຳຢູ່ຕາດເຍືອງ

ຕາດເຍືອງ ຕັ້ງຢູ່ບ້ານພັດທະນາຫລັກ 40 ເຂດ 2 ເມືອງປາກຊ່ອງແຂວງຈຳປາສັກ ແລະ ຫ່າງຈາກບ້ານໄປທາງທິດຕາເວັນຕົກສຽງໃຕ້ 1,3 ກິໂລແມັດ, ເປັນຕາດທີ່ສູງປະມານ 50 ແມັດ, ມີ 2 ຖ້ານ, ພັກເທິງສູງ 10 ແມັດ ແລະ ພັກລຸ່ມສູງ 4,5 ແມັດ. ສອງຟາກຕາດເປັນຜາເຫວຊັນມີໄມ້ເຮ້ຍ, ປ່າກ້ວຍແລະ ປ່າສັບປົນກັບຕົ້ນໄມ້ໃຫຍ່ຈຳນວນໜຶ່ງ. ຂະນະດຽວກັນ, ຕາດນີ້ ກໍມີ 3 ຕາດນ້ອຍ ແລະ ແກ້ງ 1 ຍ່ານຄື ລຸ່ມຕາດມີ 1 ຕາດນ້ອຍ ສູງ 3 ແມັດ ເປັນພະລານຫີນຍາວຈົນຮອດຫົວຕາດໄຮ, ເບື້ອງເທິງ ຫລື ຫລັງຕາດຂຶ້ນໄປກວ້າງ 10-12 ແມັດ. ນອກນີ້ກໍມີ 2 ສາຂາທີ່ຊາວບ້ານເອີ້ນ “ຕາດຜັນ” ສູງ 2-6 ແມັດແລະ ກ່ອນໜ້າເມື່ອຄາວປູ່ເຍີ ຜູ້ທີ່ພາອາໄສຢູ່ຖິ່ນຖານນີ້ເປັນບ່ອນດຳລົງຊິວິດ, ຊອກຢູ່ຫາກິນຕາມສາຍຫ້ວຍ ບັ້ງ ລຽງ ແລະ ຍ່ານນີ້ ເຄີຍພົບເຫັນເຍືອງ 2 ໂຕ ຜູ້ແມ່ຍອາໄສຢູ່ຖ້ຳດ້ານລຸ່ມຕາດ ເພື່ອຊອກຫາກິນຕາມປະສາຂອງສັດ ແລະ ດ້ານໜຶ່ງສາຍຫ້ວຍຍ່ານນີ້ມີ 3-4 ຕາດ ເພື່ອຄວາມຈື່ຈຳຂົງເຂດບໍລິເວນທຳມາຫາກິນ ຈຶ່ງຕັ້ງຊື່ຕາດນີ້ວ່າ: “ຕາດເຍືອງ” ຈົນມາເຖິງທຸກວັນນີ້.

ຕາດເຍືອງ ເປັນນ້ຳຕົກຕາດທີ່ສວຍງາມແຫ່ງໜຶ່ງທີ່ທຳມະຊາດສ້າງຂຶ້ນໂດຍມີສາຍນ້ຳໄຫລມາຈາກເທິງພູລົງມາໜ້າຜາແລ້ວຕົກລົງມາສູ່ພື້ນລຸ່ມ ເຮັດໃຫ້ນ້ຳແຕກກະຈາຍເປັນລະອອງຢ່າງງົດງາມ ແລະ ເຢັນສະ ບາຍ.ຂະນະດຽວກັນກໍມີຈຸດຊົມທິວທັດທຳມະຊາດ-ຈຸດຖ່າຍຮູບທີ່ສາມາດດຶງດູດນັກທ່ອງທ່ຽວໄດ້ຢ່າງດີແລະ ເມື່ອ ປະສານກັບວິຖີຊີວິດຂອງຊາວບ້ານບໍ່ວ່າຈະເປັນການສ້າງກິດຈະກຳດ້ານຫັດຖະກຳ ຫລື ປູກພືດຜັກປອດສານເຄມີແລ້ວມັນຊ່າງລົງໂຕກົມກືນຫາສິ່ງປຽບປານໄດ້.