ກວາງ ໄຫ ກວດຮ່າງກາຍກັບສະໂມສອນໃນຝຣັ່ງ ກຽມເປີດຕົວໄວໆນີ້

‘‘The Thao 247 ’’ ສື່ກິລາ ສສ.ຫວຽດນາມ ເປີດເຜີຍວ່າ ອີກປະມານ 10 ມື້ ຫງວຽນ ກວາງ ໄຮ ຈະກວດຮ່າງກາຍກັບທີມໃນປະເທດຝຣັ່ງ ເຊິ່ງໄດ້ຮັບສັນຍາ 2 ປີ ເງິນເດືອນເຫມາະສົມສີຕີນ.

ຫລັງຈາກທີ່ ຫງວຽນ ກວາງ ໄຮ ກອງກາງຄົນສຳຄັນທີມຊາດຫວຽດນາມ ຫມົດສັນຍາກັບ ຮານອຍ ເອຟຊີ ທີມໃນ ວີລີກ ໄປເມື່ອວັນທີ 12 ເມສາທີ່ຜ່ານມາ ໄດ້ມີຂ່າວລືກັບຫລາຍສະໂມສອນໃນຢູໂຣ ເຊ່ັນ : ເອຟຊີ ບາເຊິລ ສະໂມສອນດັງໃນລີກ ສະວິດເຊີແລນ, ນ໊ອງ ທີມໃນປະເທດຝຣັ່ງ ລວມເຖິງ ຣີກາ ເອຟຊີ ຍອດທີມຈາກລີກສູງສຸດລັດເວຍ.

ຫລ້າສຸດເຈົ້າຂອງສາຍາ ເມສຊີຫວຽດນາມ ໄດ້ໂພສພາບຕົນເອງຜ່ານເຟສບຸກສ່ວນຕົວ ເຊິ່ງມີສາກຫລັງເປັນແມ່ນ* ແລະ ຂົວ ທີ່ຄາດວ່າຫນ້າຈະຢູ່ຢູໂຣບ ທັງນີ້ແຟນບານຫວຽດນາມບາງຄົນລະບຸວ່າເປັນ ແມ່ນຳ້ແຊນ ໃນປະເທດຝຣັ່ງ.

ສື່ດັ່ງກ່າວໄດ້ອອກມາເປີດເຜີຍວ່າ ມີບາງທີມໃນລີກເອິງ ແລະ ລີກເດິ  ຍື່ນຂໍ້ສະເຫນີໃຫ້ ກວາງ ໄຮ ແລະ ລາວໄດ້ພິຈາລະນາຢ່າງຮອບຄອບແລ້ວ ໂດຍຈະເຂົ້າຮັບການກວດຮ່າງກາຍເພື່ອກຽມຍ້າຍທີມຢ່າງເປັນທາງການພາຍໃນ 10 ມື້ ເຮັດໃຫ້ມີໂອກາດລົງແຂ່ງກັບ ລີໂອເນລ ເມສຊີ ທີ່ຫລິ້ນຢູ່ກັບ ເປແອສເຊ.

ນອກຈາກນີ້ ສື່ດັ່ງກ່າວຍັງລະບຸອີກວ່າ ກອງກາງທີມຊາດຫວຽດນາມລາຍນີ້ຈະໄດ້ສັນຍາ 2 ປີ ພ້ອມເງິນເດືອນທີ່ເຫມາະສົມກັບສີຕີນ ພ້ອມໄດ້ຮັບລາຍງານວ່າ ການຍ້າຍທີມຄັ້ງນີ້ ບໍ່ແມ່ນໄປເພື່ອຈຸດປະສົງທາງເສດຖະກິດ ຫລື ເພີ່ມຖານແຟນຄັລຊາວຫວຽດນາມ ແຕ່ເປັນເພາະຕ້ອງການໃຫ້ ກວາງ ໄຮ ໄປຊ່ວຍຍົກລະດັບທີມ.