ລັກສະນະການເປັນຫົວໜ້າທີ່ດີ ທີ່ລູກນ້ອງພ້ອມຈະເຮັດວຽກໃຫ້ສຸດຊີວິດ.

     .

1. ລົງມືເຮັດໃຫ້ເຫັນ : ການລົງມືເຮັດໃຫ້ທຸກຄົນເຫັນນັ້ນ ເປັນສິ່ງທີ່ມີປະສິດທິພາບຫລາຍທີ່ສສຸດກ່ວາການໄປບອກໃຜໆວ່າເຮັດແບບນັ້ນເຮັດແບບນີ້ແລ້ວຈະດີ, ແຕ່ຄວາມເປັນຈິງແລ້ວ ຄົນທີ່ເປັນຫົວໜ້ານີ້ຄວນເຮັັດໃຫ້ເຫັນໄປເລີຍ ຖ້າຢາກຈະໃຫ້ລູກນ້ອງເຮັດຫຍັງງ່າຍກ່ວາ.
2. ມີເຫດຜົນ : ຫົວໜ້າທີ່ບໍ່ມີໃຜມັກເລີຍແມ່ນຫົວໜ້າທີ່ຍຶດເອົາຄວາມຄິດຂອງຕົນເເອງເປັນໃຫຍ່, ໃຜເວົ້າຫຍັງ ຫລື ສະເໜີຫຍັງມາ ຖ້າຫົວໜ້າຮູ້ສຶກວ່າບໍ່ລຶ້ງເຄີຍ, ບໍ່ເຂົ້າໃຈ ກໍຈະຄັດຄ້ານທັນທີ ໂດຍທີ່ຍັງບໍ່ເຄີຍໄດ້ສຶກສາ ຫລື ຟັງຄຳອະທິບາຍ ຍ້ອນຍຶດເອົາແຕ່ຄວາມຄິດຂອງຕົນເອງເປັນຫລັກ ເຊິ່ງຫົວໜ້າແບບນີ້ຈະເຮັດໃຫ້ລູກນ້ອງບໍ່ຍອມເຂົ້າຫາ, ບໍ່ກ້າລົມນຳ ແລະ ບໍ່ກ້າສະເໜີໄອເດຍຫຍັງໃໝ່ໆເລີຍ ສຸດທ້າຍແລ້ວວຽກກໍອອກມາບໍ່ດີເທົ່າທີ່ຄວນຈະເປັນ.
3. ຄວບຄຸມອາລົມເປັນ : ການຄຸມອາລົມແມ່ນຄຸນສົມບັດພື້ນຖານຂອງຫົວໜ້າທທີີ່ດີ ເພາະບໍ່ມີລູກນ້ອງຄົນໃດທີ່ຢາກຈະພົບພໍ້ກັບຫົວໜ້າທີ່ຄຸມອາລົມຕົນເອງບໍ່ໄດ້, ຄົນທີ່ເຮັດວຽກນຳຈະກົດດັນຫລາຍໆ ແລະ ເກືອບຈະບໍ່ຢາກພໍ້ໜ້າເລີຍ ຫລື ຫາກທ່ານເປັັນຫົວໜ້າແລ້ວ ລູກນນ້ອງເຮັດຜິດແທ້ໆ ຢ່າໃສ່ອາລົມກັບລູກນ້ອງ ແຕ່ໃຫ້ລົມມດ້ວຍເຫດຜົນວ່າເຮົົາຢາກຈະໄດ້ຫຍັງ ບໍ່ແມ່ນມາຮອດກໍໃສ່ເຕັມທີ່ເລີຍ ແບບນີ້ລູກນ້ອງໜີໝົດແນ່ນອນ.
4. ຄິດກ່ອນຈະເວົ້າ : ກ່ອນຈະເວົ້າ ຫລື ແນະນຳຫຍັງກໍຕາມມ ຫົວໜ້າທີ່ດີຈະຄິດກ່ອນແລ້ວຄ່ອຍສະເໜີຄວາມຄິດເຫັນ ຫລື ຄຳແນະນຳອອກໄປ ເຊິ່ງທີ່ຫົວໜ້າຄວນຄິດກ່ອນເວົ້າກໍຍ້ອນວ່າສະຖານະພາບເຮົາແມ່ນຜູ້ນຳທີມ ການທີ່ເຮົານຳທີມໄປໂດຍບໍ່ຄິດເຖິງຫຍັງ ຜົນທີ່ີອອກມາກໍຍ່ອມບໍ່ດີແນ່ນອນ.
5. ບໍ່ຕຳໜິໃຜຕໍ່ໜ້າຄົນອື່ນ : ເວລາທີ່ເຮົາຈະຕຳໜິໃຜແທ້ໆ ສິ່ງທີ່ຫົວໜ້າທີ່ດີມີກໍຄື ສະຕິ, ຄວນເຮັດ ຫລື ຕຳໜິກັນພຽງແຕ່ສອງຄົນໃນບ່ອນທີ່ບໍ່ມີໃຜຮັບຮູ້ ເພາະການຕຳໜິໃຜຕໍ່ໜ້າບ່ອນປະຊຸມ ຫລື ຄົນຫລາຍໆນັ້ນ ບໍ່ໄດ້ເຮັດໃຫ້ເຂົາຮູ້ສຶກຜິດ, ແຕ່ມັນເຮັດໃຫ້ເຂົາຮູ້ສຶກອາຍຫລາຍກ່ວາ ແລະ ຈະບໍ່ເຄົາລົບທ່ານນຳ ເພາະເຮັດແບບນີ້ປຽບດັ່ງບໍ່ເຄົາລົບກັນ.
6. ຍ້ອງຍໍຕໍ່ໜ້າທຸກຄົນ : ຫາກລູກນ້ອງຂອງທ່ານເຮັດດີ ສິ່ງທີ່ຫົວໜ້າຄວນເຮັດແມ່ນຍ້ອງຍໍຊົມເຊີຍເຂົາຕໍ່ໜ້າຄົນອື່ນ ເພື່ອໃຫ້ເຂົາຮູ້ສຶກໄດ້ຄວາມພູມໃຈໃນວຽກທີ່ເຮັດ ຍິ່ງໄດ້ຮັບຄຳຍ້ອງຍໍຈາກຫົວໜ້າ ກຳລັງໃຈກໍຈະມາເຕັມຮ້ອຍ ເພາະເຂົາຮູ້ວ່າສິ່ງທີ່ເຮັດໄປຢ່າງຕັ້ງໃຈບໍ່ເສຍຖິ້ມ ຫົວໜ້າຮັບຮູ້ ແລະ ທຸກຄົນກໍຮັບຮູ້.
7. ບໍ່ເອົາປຽບ : ລູກນ້ອງເຮັດວຽກໜັກປານໃດ ຫົວໜ້າກໍຄວນທີ່ຈະເຮັດວຽກໜັກໄປນຳກັນ ຢ່າປ່ອຍໃຫ້ລູກນ້ອງເຮັດວຽກໜັກຢູ່ຄໍ່າຢູ່ມືດ ຂະນະທີ່ຕົນເອງມ່ວນຊື່ນກັບການເຮັດໃນສິ່ງທີ່ບໍ່ກ່ຽວຂ້ອງກັບວຽກ ຍ້ອນຄິດວ່າລູກນ້ອງມີໄວ້ສັ່ງວຽກ.
8. ປົກປ້ອງລູກນ້ອງ : ໜ້າທີ່ຂອງຫົວໜ້າທີ່ຖືກຕ້ອງແມ່ນຕ້ອງພ້ອມທີ່ຈະກາງປີກປົກປ້ອງລູກນ້ອງທຸກຄົນ ເຖິງວ່າໃນມື້ທີ່ເຂົາເຮັດຜິດກໍຕາມ ກໍຕ້ອງຮູ້ວ່າຄວນຈະເຮັດແນວໃດໃຫ້ລູກນ້ອງບໍ່ຮູ້ສຶກວ່າຕົນເອງຖືກຖີບຕົກນຳ້ຄົນດຽວ, ແຕ່ທ່ານຄວນຈະໄປປົກປ້ອງລູກນ້ອງ ສ່ວນຜິດຖືກແນວໃດຄ່ອຍໄປແກ້ໄຂກັນຕາມຫລັງ.
9. ໃຈດີ ແຕ່ບໍ່ຕາມໃຈ : ທຸກຄົນລ້ວນມັກຄົນທີ່ໃຈດີຄືກັນໝົດ ບໍ່ວ່າຈະເປັນຄົນທີ່ເຮັດວຽກໃນລະດັບໃດ, ແຕ່ຄວາມໃຈດີນັ້ນບໍ່ໄດ້ໝາຍເຖິງການຍອມຕາມໃຈລູກນ້ອງໄປໝົດທຸກຢ່າງ, ລູກນ້ອງຖາມວ່າເຮັດແບບນີ້ໄດ້ບໍ່ ທ່ານບອກໄດ້ເລີຍຢ່າງດຽວຍ້ອນຢ້ານວ່າລູກນ້ອງຈະເສຍໃຈ ແລະ ບາງຢ່າງອາດຈະບໍ່ດີກັບວຽກເທົ່າໃດ ການເຮັດແບບນີ້ລູກນ້ອງອາດຈະຮັກ, ແຕ່ເຈົ້າຂອງບໍລິສັດຈະເບິ່ງວ່າທ່ານເປັນຫົວໜ້າທີ່ບໍ່ສາມາດບອກລູກນ້ອງໄດ້ວ່າອັນໃດຄວນເຮັດ ອັນໃດບໍ່ຄວນເຮັດ.
10. ບໍ່ເອົາລູກນ້ອງໄປນິນທາ : ການເອົາເລື່ອງຂອງລູກນ້ອງໄປເລົ່າໃນດ້ານຕິສິນນິນທານັ້ນບໍ່ແມ່ນສິ່ງທີ່ຫົວໜ້າຄວນຈະເຮັດ ເພາະຈະເຮັດໃຫ້ຄວາມຮູ້ສຶກເຄົາລົບໃນໂຕຫົວໜ້າຫລຸດລົງທັນທີ ຫາກມື້ໜຶ່ງລູກນ້ອງຮູ້ເລື່ອງ ຢ່າຫູເບົາ ແລະ ປາກໄວຄິດວ່າການນິນທາເປັນເລື່ອງມ່ວນຊື່ນເຮຮາ.
11. ໃຫ້ຄຳປຶກສາໄດ້ : ການໃຫ້ຄຳປຶກສາແກ່ລູກນ້ອງເປັນສິ່ງທີ່ຫົວໜ້າຕ້ອງມີສິລະປະໃນເລື່ອງນີ້ ບໍ່ວ່າຈະເປັນເລື່ອງວຽກ ຫລື ເລື່ອງສ່ວນໂຕ ຖ້າລູກນ້ອງຖາມຢ່າງຕັ້ງໃຈ ກໍຄວນໃຫ້ຄຳປຶກສາທີ່ຖືກຕ້ອງ ຢ່າໃຫ້ຄຳປຶກສາແບບພໍແລ້ວໆໄປ ຄືກັບວ່າບໍ່ແມ່ນເລື່ອງສຳຄັນ ເພາະຫາກເຮັດແບບນີ້ຕະຫລອດ ອະນາຄົດລູກນ້ອງຈະບໍ່ເປີດໃຈລົມກັບທ່ານເລີຍ ເຖິງຈະເປັນເລື່ອງວຽກກໍຕາມ.
12. ພ້ອມໃຫ້ຄວາມຊ່ວຍເຫລືອ : ຢ່າຄິດວ່າໃຫ້ວຽກລູກນ້ອງຮັບຜິດຊອບໄປແລ້ວ ຫົວໜ້າຈະລອຍໂຕນັ່ງເອົາວຽກມາສົ່ງສະບາຍໆ ແຕ່ຫົວໜ້າຄວນຈະພ້ອມໃຫ້ຄວາມຊ່ວຍເຫລືອລູກນ້ອງ ຫາກມີບັນຫາບໍ່ຄວນປ່ອຍໃຫ້ລູກນ້ອງລຸຍວຽກຢ່າງໂດດດ່ຽວ ເມື່ອຕິດບັນຫາ ຫາທາງອອກບໍ່ໄດ້ ວຽກກໍອາດຈະເສຍຫາຍ.
13. ໃຫ້ໂອກາດ : ການໃຫ້ໂອກາດຄົນເປັນສິ່ງທີ່ຫົວໜ້າຄວນຈະເຮັດ ແລະ ຄວນຈະຮູ້ວ່າໃຜເໝາະສົມທີ່ຈະໄດ້ຮັບໂອກາດນັ້ນ ເຊິ່ງການໃຫ້ໂອກາດນັ້ນເປັນສິ່ງທີ່ຄົນເຮັດວຽກທຸກຄົນຢາກໄດ້ຈາກຫົວໜ້າ ບໍ່ວ່າຈະເປັນໂອກາດນ້ອຍ ຫລື ໂອກາດໃຫຍ່ກໍຕາມ ເພາະມັນສະແດງໃຫ້ເຫັນວ່າຫົວໜ້າເບິ່ງເຫັນສັກກະຍະພາບຂອງໂຕເຂົາ.
14. ເຄົາລົບເວລາສ່ວນໂຕ : ນອກເວລາວຽກ ບໍ່ແມ່ນເວລາທີ່ຫົວໜ້າຈະລົມເລື່ອງວຽກກັບລູກນ້ອງ ຫາກເປັນວຽກດ່ວນແທ້ໆ ຫົວໜ້າຄວນຈະຮັບເລື່ອງເອົາໄວ້ກ່ອນ ແລ້ວຄ່ອຍໄປຈັດການກັນໃນເວລາວຽກ. ຄວນເຂົ້າໃຈວ່າວັນພັກ ຫລື ໄລຍະເວລາພັກຜ່ອນຂອງທຸກຄົນມີຄ່າ ຢ່າຄິດວ່າມັນເປັນເລື່ອງວຽກ ລູກນ້ອງລົມໄດ້ເຂົາຕ້ອງພ້ອມຈະແກ້ໄຂໃຫ້ເຮົາໄດ້.
15. ເປັນຫົວໜ້າແຕ່ໃນເວລາວຽກ : ບໍ່ວ່າຈະອັນໃດກໍຕາມ ເມື່ອເລີກວຽກແລ້ວ ກໍຄວນຈະວາງຕຳແໜ່ງລົງ ບໍ່ແມ່ນຫົວໜ້າ ແລະ ບໍ່ແມ່ນລູກນ້ອງຕະຫລອດເວລາ, ແຕ່ເປັນພີ່ເປັນນ້ອງກັນ.
16. ເປັນກາງກັບທຸກຄົນ : ຄວາມເປັນກາງໃນບ່ອນເຮັດວຽກນັ້ນໝາຍເຖິງການໃຫ້ຄວາມສົນໃຈກັບທຸກຄົນຢ່າງເທົ່າທຽມກັນ ບໍ່ລຳອຽງໄປທາງຄົນໃດຄົນໜຶ່ງ ບັນຫາຈະຕາມມາ, ແຕ່ຖ້າທ່ານເປັນກາງໃນທຸກເລື່ອງ ບັນຫານນີ້ຈະບໍ່ເກີດ.
17. ຕັ້ງໃຈຟັງ : ຫົວໜ້າມີໜ້າທີ່ໃນການຮັບຟັງຄວາມຄິດເຫັນຂອງລູກນ້ອງທຸກຄົນ ເພາະຖ້າເຂົາບໍ່ປຶກສາຫົວໜ້າ ກໍບໍ່ຮູ້ວ່າຈະໄປປຶກສາໃຜຕໍ່ ແລະ ບໍ່ແມ່ນແຕ່ຮັບຟັງຢ່າງດຽວເທົ່ານັ້ນ ແຕ່ຕ້ອງຟັງຢ່າງຕັ້ງໃຈ ເພື່ອໃຫ້ຮູ້ເຖິງສິ່ງທີ່ລູກນ້ອງຕ້ອງການນຳ ເພື່ອຈະໄດ້ຊ່ວຍລູກນ້ອງໄດ້ຢ່າງຖືກຕ້ອງຖືກຈຸດ.
18. ຮັບປາກຕ້ອງເຮັດໃຫ້ໄດ້ : ເມື່ອໃດກໍຕາມທີ່ທ່ານຮັບປາກໄປແລ້ວ ສິ່ງທີ່ຫົວໜ້າຕ້ອງເຮັດກໍຄື ຈື່ຈຳໃຫ້ໄດ້ວ່າເຄີຍສັນຍານຫຍັງກັບລູກນ້ອງໄວ້ແລ້ວ ຕ້ອງເຮັດໃຫ້ໄດ້ ຢ່າເວົ້າໄປລອຍໆວ່າຈະຈັດການໃຫ້ ວ່າຈະເຮັດໃຫ້ ວ່າຈະນຳໃຫ້ ແລ້ວກໍປ່ອຍໃຫ້ລູກນ້ອງລໍຖ້າຄວາມຫວັງ ສຸດທ້າຍເມື່ອລູກນ້ອງທວງຖາມກໍບອກວ່າ ລືມ ເຊິ່ງບໍ່ແມ່ນເລື່ອງທີ່ດີເລີຍ.
19. ຫົວໜ້າກໍຜິດໄດ້ : ຄົນເປັນຫົວໜ້າຕ້ອງບໍ່ຜິດພາດ ແຕ່ກໍບໍ່ແມ່ນວ່າຈະບໍ່ມີໂອກາດພາດ ເມື່ອພາດແລ້ວຫົວໜ້າກໍຕ້ອງສະແດງໃຫ້ລູກນ້ອງໄດ້ເຫັນວ່າຫົວໜ້າມີການຈັດການຄວາມຜິດພາດນັ້ນແນວໃດ ເຊິ່ງລູກນ້ອງຈະຈື່ຈຳສິ່ງທີ່ທ່ານເຮັດແລ້ວຈື່ໄວ້ເປັນແບບຢ່າງ.