ຄືນຖິ່ນເກົ່າ ອາເລັກຊອງ ລາກາແຊັດ ເຊັນສັນຍາຮ່ວມທີມ ໂອລິມປິກ ລີຢົງ

ອາເລັກຊອງ ລາກາແຊັດ ຍ້າຍຈາກ ອາເຊນອລ ໄປຮ່ວມທີມໂອລິມປິກ ລີຢົງ ຢ່າງເປັນທາງການແບບບໍ່ມີຄ່າຕົວ ພ້ອມເປັນ ການຍ້າຍຄືນສະໂມສອນດັ່ງກ່າວເປັນຮອບທີສອງ.

ກ່ອນຫນ້ານີ້ ອາເຊນອລ ຫາກໍອອມາຢືນຢັນວ່າ ລາກາແຊັດ ກອງຫນ້າຫົວຫນ້າທີມຈະແຍກຈາກຕົ້ນ ສັງກັດເມື່ອທ້າຍ ເດືອນ ມິຖຸນາ ຫລັງຫມົດສັນຍາກັບສະໂມສອນ ພ້ອມເປັນການປິດສາກກັບ ອາເຊນອລ ຫລັງຫລິ້ນໃຫ້ກັບທີມມາຕັ້ງແຕ່ປີ 2017.

ໂດຍມີລາຍງານວ່າດາວຍິງອາຍຸ 31 ປີຕ້ອງການທີ່ຈະຍ້າຍກັບໄປຫລິ້ນໃຫ້ກັບ ລີຢົງ ເປັນຮອບທີສອງ ຂະນະທີ່ທີມດັງຂອງລີກເອິງ ຝຣັ່ງ ກໍຕ້ອງການ ລາກາແຊັດ ກັບມາຮ່ວມທີມເຊັ່ນດຽວກັນ.

ຈົນຫລ້າສຸດເມື່ອວັນທີ 9 ມິຖຸນາ ລີຢົງ ອອກຖະແຫລງການວ່າໄດ້ເຊັນສັນຍາ ລາກາແຊັດ ຮ່ວມທີມອີກເທື່ອຫນຶ່ງແບບບໍ່ມີຄ່າຕົວ ດ້ວຍສັນຍາ 3 ປີ ຫລື ເຖິງປີ 2025.

ທັງນີ້ ລາກາແຊັດ ເຄີຍຫລິ້ນໃຫ້ກັບ ລີຢົງ ຕັ້ງແຕ່ທີມຊຸດເຍົາວະຊົນ ກ່ອນກ້າວຂຶ້ນສູ່ຊຸດໃຫຍ່ໃນປີ 2010 ເຊິ່ງສ້າງຜົນງານໄດ້ ຢ່າງດີເດ່ັນ ດ້ວຍສະຖິຕິຍິງ 129 ປະຕູ ຈາກການລົງຫລິ້ນ 275 ນັດລວມທຸກລາຍການ.